سہرسہ، 13 مارچ (ہ س)۔ سمردھی یاترا کے دوران وزیر اعلیٰ نتیش کمار جمعہ کے روز سہرسہ پہنچے۔ سہرسہ کے شا ہ پور میں منعقدہ پروگرام کے دوران انہوں نے ریاستی حکومت کی مختلف عوامی فلاحی اسکیموں کی کامیابیوں کو پیش کرنے والے محکمانہ اسٹال کا معائنہ کیا۔اس موقع پر وزیر اعلیٰ نے جیویکادیدیوں کی طرف سے لگائے گئے اسٹال کا بھی دورہ کیا اور وہاں موجود جیویکا دیدیوں سے بات چیت کی۔ جیویکا اسٹال پر، سہرسہ ضلع کے مختلف بلاکوں میں کام کرنے والی وزیر اعلیٰ خواتین روزگار اسکیم کے تحت خود روزگار میں مصروف جیویکا دیدیوں کی سرگرمیوں کو ماڈل اور لائیو مظاہروں کے ذریعے دکھایا گیا۔ زراعت، مویشی پروری اور غیر زرعی سرگرمیوں سمیت مختلف ذریعہ معاش کی سرگرمیاں نمایاں طور پر دکھائی گئیں۔وزیر اعلیٰ نے جیویکا سے فائدہ اٹھانے والی خواتین کی طرف سے شروع کیے گئے کاروبار کے بارے میں دریافت کیا اور جیویکا اور جیویکا دیدیوں کے کام کی تعریف کی۔ سمردھی یاترا کے دوران جیویکا سے وابستہ گروپ کے ذریعہ تیار کردہ مصنوعات کی ایک نمائش کا بھی اہتمام کیا گیا جس کی وزیر اعلیٰ نے تعریف کی۔پروگرام کے دوران سہرسہ ضلع کے مینٹر گریش کمار اور اسٹیٹ پروجیکٹ منیجر سمیر کمار نے جیویکا ٹیم کی رہنمائی کی۔ اس دوران ڈی پی ایم شلوک کمار نے جیویکا دیدیوں سے بات چیت کی اور ان کی حوصلہ افزائی کی۔اس موقع پر وزیر اعلیٰ نے جیویکادیدیوں کو 133 کروڑ 65 لاکھ روپے کا علامتی چیک پیش کیا۔ جیویکا دیدیوں نے بھی وزیر اعلیٰ کو پینٹنگ پیش کر کے ان کی عزت افزائی کی۔پروگرام کے دوران جیویکا اسٹال پر ڈی پی ایم شلوک کمار، سدھا داس، راکیش رنجن، پریم شنکر، پروین کمار، وکرمادتیہ چودھری، اور دیگر عہدیدار اور عملہ موجود تھے۔ہندوستھان سماچار

ہندوستان سماچار / Mohammad Afzal Hassan