رچنا ٹاور کمپلیکس میں تزئین و آرائش ہوگی، پارک، اوپن جم اور پول لائٹ لگانے کی ہدایت

بھوپال، 11 مارچ (ہ س)۔

مدھیہ پردیش کے امدادِ باہمی، کھیل اور امورِ نوجوانان کے وزیر وشواس کیلاش سارنگ نے بدھ کو نریلا اسمبلی حلقہ کے تحت واقع رچنا ٹاور کمپلیکس کا دورہ کر کے علاقے کے انتظامات کا معائنہ کیا۔ اس دوران انہوں نے مقامی شہریوں سے بات چیت کر کے علاقے کے مسائل اور ضروریات کی معلومات حاصل کیں۔

شہریوں کی جانب سے علاقے میں بہتر عوامی سہولیات اور تزئین و آرائش کے مطالبے کو مدنظر رکھتے ہوئے، وزیر سارنگ نے افسران کو رچنا ٹاور کے سامنے واقع پیونگ کے قریب تزئین و آرائش کا کام کرانے کی ہدایت دی۔ انہوں نے کہا کہ اس جگہ کو منظم اور پرکشش شکل دینے کے لیے یہاں پارک تیار کیا جائے گا، جس سے علاقے کے شہریوں کو صاف ستھرا اور سرسبز ماحول مل سکے گا۔

وزیر سارنگ نے ہدایت دی کہ پارک کے ساتھ ہی یہاں اوپن جم کا بھی انتظام کیا جائے، تاکہ علاقے کے شہری باقاعدگی سے ورزش کر سکیں اور صحت مند طرزِ زندگی کو فروغ مل سکے۔ انہوں نے کہا کہ علاقے میں بڑھتی ہوئی آبادی کو دیکھتے ہوئے اس قسم کی سہولیات فراہم کرنا ضروری ہے۔ انہوں نے افسران کو ہدایت کی کہ پارک اور اوپن جم کے علاقے کی فینسنگ (باڑھ) کر کے اسے محفوظ اور منظم بنایا جائے۔

وزیر سارنگ نے علاقے میں روشنی کے بہتر انتظامات کو یقینی بنانے کے لیے رچنا ٹاور کے سامنے پول لائٹ لگانے کی بھی ہدایت دی۔ انہوں نے افسران کو ہدایت دی کہ رچنا ٹاور کمپلیکس کی تزئین و آرائش سے متعلق تمام کاموں کا ایکشن پلان تیار کر کے جلد از جلد کام شروع کیا جائے، تاکہ علاقے کے شہریوں کو جلد سے جلد ان سہولیات کا فائدہ مل سکے۔

اس موقع پر متعلقہ محکموں کے افسران اور مقامی شہری بھی موجود تھے۔ شہریوں نے علاقے کی ترقی کے لیے وزیر سارنگ کا شکریہ ادا کیا۔

ہندوستھان سماچار

---------------

ہندوستان سماچار / انظر حسن