تاریخ میں 12 مارچ کی تاریخ کئی اہم واقعات کے لیے جانی جاتی ہے۔ ان میں سب سے اہم واقعہ سال 1930 میں شروع ہونے والا دانڈی مارچ ہے، جسے ہندوستانی جدوجہدِ آزادی کا ایک فیصلہ کن موڑ مانا جاتا ہے۔

اس دن بابائے قوم مہاتما گاندھی نے گجرات کے سابرمتی آشرم سے نمک قانون کے خلاف تاریخی یاترا (سفر) کا آغاز کیا تھا۔ یہ یاترا تقریباً 24 دنوں تک چلی اور آخر کار گجرات کے ساحلی گاوں دانڈی پہنچ کر ختم ہوئی، جہاں گاندھی جی نے سمندر کے پانی سے نمک بنا کر برطانوی حکومت کے نمک قانون کو توڑا۔

نمک ستیہ گرہ کے طور پر مشہور یہ تحریک انگریزی حکومت کے خلاف عدم تعاون اور سول نافرمانی کی تحریک کا اہم حصہ تھی۔ اس وقت برطانوی حکومت نے نمک کی پیداوار اور فروخت پر ٹیکس لگا رکھا تھا، جس سے عام عوام کو بھاری معاشی بوجھ اٹھانا پڑتا تھا۔

گاندھی جی کی اس پہل نے پورے ملک میں آزادی کی لڑائی کو نئی سمت دی۔ دانڈی مارچ کے بعد ملک کے مختلف حصوں میں ہزاروں لوگوں نے نمک قانون توڑ کر برطانوی حکومت کے خلاف احتجاجی مظاہرے کیے۔

مورخین کے مطابق دانڈی مارچ نے ہندوستانی تحریکِ آزادی کو عوامی تحریک کی شکل دی اور برطانوی سلطنت کی اس طاقت کو کھلا چیلنج دیا جس کے بارے میں کہا جاتا تھا کہ اس کی سلطنت میں کبھی سورج نہیں ڈوبتا۔

دیگر اہم واقعات:

1799 - آسٹریا نے فرانس کے خلاف جنگ کا اعلان کیا۔

1872 - لارڈ میو کو موت کے گھاٹ اتارنے والے شیر علی کو پھانسی پر لٹکایا گیا۔

1938 - جرمنی نے آسٹریا پر حملہ کیا۔

1942 - دوسری جنگِ عظیم کے وقت برطانوی فوجیوں نے انڈمان جزیرہ خالی کیا۔

1954 - حکومتِ ہندوستان نے ساہتیہ اکادمی قائم کی۔

1967 - اندرا گاندھی دوسری بار ملک کی وزیراعظم بنیں۔

1993 - ممبئی میں کئی بم دھماکے ہوئے جن میں 300 لوگ مارے گئے اور سینکڑوں سے زیادہ زخمی ہو گئے۔

1998 - پہلے ٹربونیٹ انجن بنانے والے ہینس جوشم پابسٹر وان اوہین کا انتقال۔

2003 - سربیا کے وزیراعظم زوران جن جب کا بیلگریڈ میں قتل۔

2004 - لاہور میں دسویں سارک مصنفین کی کانفرنس شروع۔

2006 - عراق میں صدام حسین کے خلاف مقدمے کی سماعت شروع۔

2007 - جمیکا میں 9ویں ورلڈ کپ کرکٹ کا افتتاح ہوا۔

2008 - پڈوچیری کے لیفٹیننٹ گورنر مکٹ متھی نے اپنے عہدے سے استعفیٰ دیا۔

2008 - مرکزی کابینہ نے ناگالینڈ میں صدر راج ہٹانے کا فیصلہ کیا۔

2008 - امریکی فضائیہ نے دنیا کے پہلے اسٹیلتھ لڑاکا طیارے ایف-117 کو اپنے بیڑے سے ہٹایا۔

2008 - دنیا کی طویل ترین عمر سمجھی جانے والی خاتون واروا سیمینیکووا کا روس میں 117 سال کی عمر میں انتقال۔

2009 - فضائیہ میں آپریشنز ڈائریکٹوریٹ کے پہلے ڈائریکٹر جنرل کے طور پر ایئر مارشل ڈی سی کماریا نے عہدہ سنبھالا۔

2018 - نیپال کے تریبھون انٹرنیشنل ایئرپورٹ پر یو ایس-بنگلہ ایئرلائنز کا طیارہ حادثے کا شکار، کم از کم 51 افراد ہلاک۔

ہندوستھان سماچار

--------------

ہندوستان سماچار / انظر حسن