ممبئی ، 10 مارچ (ہ س)

ممبئی–پونے قومی شاہراہ پر رفتار کی حد سے تجاوز کرنے والے ڈرائیوروں کے

خلاف کارروائی کے لیے پونے دیہی پولیس نے لوناؤلا اور وڈگاؤں ماول علاقوں میں جدید

لیزر اسپیڈ کیمرے نصب کر دیے ہیں۔ یہ کیمرے دن رات مسلسل کام کریں گے اور تیز

رفتار گاڑیوں کی درست رفتار ریکارڈ کر سکیں گے۔

پولیس کے

مطابق شاہراہ پر بڑھتے ہوئے حادثات کو مدنظر رکھتے ہوئے یہ فیصلہ کیا گیا ہے۔ پولیس

سپرنٹنڈنٹ سندیپ سنگھ گل نے بتایا کہ زیادہ تر حادثات گاڑیوں کی تیز رفتاری اور

ڈرائیوروں کی غلطیوں کے باعث پیش آتے ہیں۔ اسی وجہ سے ٹریفک نظم و ضبط کو بہتر

بنانے اور حادثات کو کم کرنے کے لیے اس جدید ٹیکنالوجی کا استعمال شروع کیا گیا

ہے۔ اس منصوبے کے لیے بلومبرگ فلانتھروپیز انیشی ایٹو فار گلوبل روڈ سیفٹی اور گلوبل

روڈ سیفٹی پارٹنرشپ جیسی تنظیموں کا تعاون حاصل ہوا ہے۔

لوناؤلا

اور وڈگاؤں ماول کے علاقوں میں تین مختلف مقامات پر یہ کیمرے نصب کیے گئے ہیں۔ جدید

ٹیکنالوجی سے لیس یہ آلات دن اور رات دونوں اوقات میں کام کرتے ہیں اور 320 کلومیٹر

فی گھنٹہ تک کی رفتار بھی درست طور پر ریکارڈ کر سکتے ہیں۔ پولیس حکام کا کہنا ہے

کہ اس اقدام سے تیز رفتار ڈرائیونگ پر قابو پانے میں مدد ملے گی اور شاہراہ پر پیش

آنے والے حادثات میں کمی آئے گی۔

ہندوستھان

سماچار

--------------------

ہندوستان سماچار / جاوید این اے