کولکاتا، 10 مارچ (ہ س)۔ مغربی بنگال کی وزیر اعلیٰ ممتا بنرجی نے وزارت قانون کی ذمہ داری اپنے ہاتھ میں لے لی ہے۔ ریاست کے محکمہ داخلہ اور پہاڑی امور کی طرف سے پیر کی رات دیر گئے جاری کردہ ایک نوٹیفکیشن میں اس کی جانکاری دی گئی ۔

نوٹیفکیشن کے مطابق ،وزارتوں کی تفویض میں ترمیم کے تحت وزیراعلیٰ نے محکمہ قانون کی ذمہ داری اپنے پاس رکھی ہے ۔ اس سے پہلے یہ محکمہ وزیر ملے گھٹک کے پاس تھا۔ گھٹک اب صرف محکمہ محنت کے ذمہ دار ہوں گے۔

ملے گھٹک اب تک محکمہ محنت اور قانون دونوں کی ذمہ داریاں نبھا رہے تھے۔دریں اثنا، ترنمول کانگریس کے رہنما بابل سپریو حال ہی میں راجیہ سبھا کے لیے منتخب ہونے کے بعد اب ریاستی کابینہ کے رکن کے طور پر کام نہیں کریں گے۔ ان کے عہدے سے سبکدوش ہونے کے بعد انفارمیشن ٹیکنالوجی، انڈسٹریل ری اسٹرکچرنگ اور پبلک انٹرپرائزز کے قلمدان خالی ہو گئے ہیں۔

ریاستی سکریٹریٹ کے ایک عہدیدار نے بتایا کہ ان محکموں کی ذمہ داری عارضی طور پر وزیر اعلیٰ کے پاس رہے گی، جب تک کہ ان کو ازسر نو مختص نہیں کیا جاتا۔

اہلکار کے مطابق، ریاستی حکومت جلد ہی ان محکموں کی دوبارہ تقسیم کے بارے میں باضابطہ فیصلے کا اعلان کر سکتی ہے۔

ہندوستھان سماچار

ہندوستان سماچار / محمد شہزاد