زمین کے دستاویز کی مصدقہ نقل دینے کے نام پر رشوت طلب، ریکارڈ کیپر گرفتار
بیر بھوم، 18 نومبر (ہ س)۔ ضلع کے سوری واقع ڈسٹرکٹ رجسٹریشن آفس میں انسدادِ بدعنوانی برانچ(اے سی بی) نے بدھ کے روز کارروائی کرتے ہوئے ایک ریکارڈ کیپر کو رشوت لیتے ہوئے رنگے ہاتھوں گرفتار کر لیا۔ ملزم ملازم کی شناخت دفتر میں کام کرنے والے اپر ڈویژن
زمین کے دستاویز کی مصدقہ نقل دینے کے نام پر رشوت طلب، ریکارڈ کیپر گرفتار


بیر بھوم، 18 نومبر (ہ س)۔

ضلع کے سوری واقع ڈسٹرکٹ رجسٹریشن آفس میں انسدادِ بدعنوانی برانچ(اے سی بی) نے بدھ کے روز کارروائی کرتے ہوئے ایک ریکارڈ کیپر کو رشوت لیتے ہوئے رنگے ہاتھوں گرفتار کر لیا۔ ملزم ملازم کی شناخت دفتر میں کام کرنے والے اپر ڈویژن کلرک (یو ڈی سی) کے طور پر ہوئی ہے۔

اے سی بی کی جانب سے جاری پریس ریلیز کے مطابق، ملزم ملازم نے ایک شکایت کنندہ سے زمین کی دستاویز (ڈِیڈ) کی مصدقہ نقل جاری کرانے میں مدد کرنے کے نام پر ایک ہزار روپے رشوت طلب کی تھی۔

شکایت موصول ہونے کے بعد اے سی بی، مغربی بنگال کی ٹیم نے بدھ کے روز ڈسٹرکٹ رجسٹریشن آفس، سوری میں جال بچھایا۔ اس دوران ملزم ملازم کو شکایت کنندہ سے ایک ہزار روپے کی غیر قانونی رقم قبول کرتے ہوئے رنگے ہاتھوں پکڑ لیا گیا۔

ہندوستھان سماچار

ہندوستھان سماچار / عطاءاللہ


 rajesh pande