کولکاتا، 11 اکتوبر (ہ س)۔ مغربی بنگال پولیس کی اسپیشل ٹاسک فورس (ایس ٹی ایف) نے ہفتہ کے روز دو الگ الگ مہمات میں گانجہ اور براون شوگر ضبط کی ہے۔ نمتا تھانہ علاقے میں پانچ افراد کو گرفتار کیا گیا ہے۔ ان کے قبضے سے تقریباً 90 کلوگرام گانجہ، پانچ لاکھ روپے نقد اور تین گاڑیاں ضبط کی گئی ہیں۔ ضبط شدہ گانجھے کی تخمینہ شدہ بازاری قیمت 44 لاکھ 50 ہزار روپے ہے۔

ایس ٹی ایف کی اینٹی نارکوٹکس ٹاسک فورس (اے این ٹی ایف) کی ٹیم نے شمالی 24 پرگنہ ضلع کے نمتا تھانہ علاقے میں یہ کارروائی انجام دی۔ گرفتار پانچ افراد میں سے دو اڈیشہ کے ساکن ہیں، جو گانجہ پہنچانے آئے تھے۔ دیگر تین افراد گانجہ وصول کرنے والے بتائے گئے ہیں۔

ایک دیگر معاملے میں خفیہ اطلاع کی بنیاد پر دارجلنگ ضلع کے باگڈوگرا تھانہ علاقے میں مہم چلائی گئی۔ اس دوران نکسل باڑی تھانہ علاقے کے ایک شخص کو گرفتار کیا گیا۔ اس کے قبضے سے تقریباً ایک کلوگرام براون شوگر ضبط کی گئی، جس کی تخمینہ شدہ قیمت دو کروڑ روپے بتائی گئی ہے۔

دونوں معاملات میں نشہ آور اشیاء کی فراہمی اور سپلائی سے متعلق اگلے اور پچھلے رابطوں کی جانچ کی جا رہی ہے۔

ہندوستھان سماچار

---------------

ہندوستان سماچار / انظر حسن