تاریخ کے آئینے میں 09 اکتوبر کا دن کیوبا کے انقلاب کے نمایاں چہروں میں شامل چے گویرا کی موت سے وابستہ ہے۔ 1967 میں آج ہی کے دن بولیویا کے جنگلات میں پکڑے جانے کے بعد 39 سالہ مارکسی انقلابی رہنما کو قتل کر دیا گیا تھا۔ ان کی موت کے ساتھ ہی ایک ایسا باب ختم ہوا جس نے آگے چل کر انہیں دنیا بھر کی انقلابی تحریکوں کی علامت بنا دیا۔

بولیویا کی فوج کے کمانڈر کرنل جوکن زینٹینو انایا نے اس وقت بیان جاری کر کے بتایا تھا کہ جنوب مشرقی بولیویا کے علاقے ہگویراس میں فوج کے ساتھ تصادم میں چے گویرا مارے گئے۔ تاہم بعد میں سامنے آنے والے حقائق سے معلوم ہوا کہ ان کی موت مقابلے کے دوران نہیں ہوئی تھی۔ فوج نے انہیں زخمی حالت میں پکڑ لیا تھا اور اگلے دن انہیں قتل کر دیا گیا۔

ارجنٹینا میں جون 1928 میں پیدا ہونے والے چے گویرا 1950 کی دہائی میں کیوبا کی انقلابی تحریک سے وابستہ ہوئے اور فیدل کاسترو کے قریبی ساتھیوں میں شامل ہو گئے۔ 1959 میں کیوبا میں انقلاب کی کامیابی کے بعد نئی حکومت میں ان کا تیزی سے سیاسی عروج ہوا۔ وہ کیوبا کے وزیرِ صنعت سمیت کئی اہم ذمہ داریوں پر فائز رہے۔

تاہم وقت کے ساتھ گویرا اور کاسترو کے درمیان نظریاتی اختلافات کی خبریں سامنے آنے لگیں۔ اپریل 1965 میں انہوں نے کیوبا کی حکومت اور عوامی زندگی سے خود کو الگ کر لیا۔ بعد میں بولیویا میں ان کی موجودگی کا پتا چلا، جہاں وہ مقامی سطح پر مسلح انقلابی تحریک کھڑی کرنے کی کوشش کر رہے تھے۔ فوج کے ساتھ تصادم کے بعد ان کی گرفتاری اور قتل نے ان کی زندگی کا خاتمہ کر دیا۔

دیگر اہم واقعات:

1624 - مغل شہزادے اور شاہجہاں و ممتاز محل کے سب سے چھوٹے بیٹے مراد بخش کی پیدائش۔

1776 - امریکی پارلیمنٹ نے باضابطہ طور پر ملک کا نام یونائیٹڈ کالونی سے بدل کر ریاستہائے متحدہ امریکہ کیا۔

1876 - پہلی بار ٹیلی فون پر آوٹ وائر کے ذریعے دو طرفہ بات چیت ہوئی۔ اس کے بعد 1947 میں چلتی ہوئی کار اور طیارے میں بیٹھے دو افراد کے درمیان گفتگو ہوئی۔ 1959 میں آٹو رکشا اور طیارے میں سفر کرتے ہوئے لوگوں نے بات کی۔

1920 - علی گڑھ کا اینگلو اورینٹل کالج علی گڑھ مسلم یونیورسٹی میں تبدیل ہوا۔

1945 - ہندوستان کے مشہور سرود نواز امجد علی خاں کی پیدائش۔

1954 - افریقی ملک الجیریا میں زلزلے سے 1400 افراد ہلاک ہوئے۔

1988 - پنجاب کے مجاہدِ آزادی سیف الدین کچلو کا انتقال۔

1991 - لندن میں جاپانی سومو کشتی کا انعقاد۔

1998 - پاکستان کی قومی اسمبلی نے اسلامی شریعت قانون کو ملک کے سپریم قانون کے طور پر منظور کیا۔

2006 - گوگل نے یوٹیوب کے حصول (ایکوزیشن) کا اعلان کیا۔

2006 - سمتا پارٹی کی سربراہ جیا جیٹلی پر سال 2000 میں اسرائیلی کمپنی سے کروڑوں روپے کے دفاعی معاہدے میں رشوت لینے کا الزام لگا۔

2007 - چین نے ہندوستان پر معاہدے کی خلاف ورزی کا الزام لگایا۔

2008 - مرکزی حکومت نے تیل کو مافیا سے بچانے کے لیے ماہرین کی ایک کمیٹی تشکیل دی۔

2012 - بچیوں کی تعلیم کے فروغ میں اہم کردار ادا کرنے والی ملالہ کو اسکول جاتے وقت طالبان نے گولی ماری۔

2012 - عراق میں بم دھماکے میں 100 سے زائد افراد کی موت، 350 دیگر زخمی۔

2015 - ہندوستانی ہندی سنیما کے مشہور موسیقار اور گلوکار رویندر جین کا انتقال۔

ہندوستھان سماچار

---------------

ہندوستان سماچار / انظر حسن