ممبئی، 6 اکتوبر (ہ س)۔ سوناکشی سنہا اور ظہیر اقبال اپنی شادی کے بعد پہلی بار بڑی اسکرین پر ایک ساتھ نظر آئیں گے۔ ان کی آنے والی فلم 'تو ہے میری کرن' کا ٹریلر ریلیز کر دیا گیا ہے۔ کرن راول کی ہدایت کاری میں بننے والی یہ فلم محبت، جذبے، استقامت اور سنسنی کے بارے میں ایک رومانٹک تھرلر ہے۔ یہ فلم پام اسٹوڈیوز اور اینڈ پروڈکشن کے تعاون سے ایشلن پروڈکشن کے بینر تلے تیار کی گئی ہے۔

ٹریلر کا آغاز سوناکشی اور ظہیر کے کرداروں کی دوستی سے ہوتا ہے، لیکن کہانی جلد ہی غیر متزلزل محبت اور جذبے کی طرف مائل ہو جاتی ہے۔ ظہیر کا کردار سوناکشی کو حاصل کرنے کی جستجو میں اس حد تک چلا جاتا ہے کہ اس کا جنون خوفزدہ ہونے لگتا ہے۔ ساتھ ہی سوناکشی کا کردار شروع میں بے قصور لگتا ہے۔ ٹریلر میں کہانی کے دوران بہت سے غیر متوقع موڑ آتے ہیں، جو فلم کے سنسنی اور رومانس کو برقرار رکھتے ہیں۔

کرن راول نے اس فلم کی تحریر اور ہدایت کاری کی ہے۔ ٹریلر سے اشارہ ملتا ہے کہ فلم میں محبت اور جنون کے درمیان کی حد آہستہ آہستہ دھندلی ہو جائے گی اور رشتوں کا ایک مختلف پہلو سامنے آئے گا۔ شادی کے بعد سوناکشی اور ظہیر کی پہلی آن اسکرین جوڑی بھی شائقین کے لیے خاص دلچسپی کا باعث ہے۔ تو ہے میری کرن 23 اکتوبر 2026 کو سینما گھروں میں ریلیز ہوگی۔

ہندوستھان سماچار

--------

ہندوستان سماچار / عبدالسلام صدیقی