نئی دہلی، 6 اکتوبر (ہ س)۔ ریزرو بینک آف انڈیا (آر بی آئی) کے گورنر سنجے ملہوترا 7 اکتوبر کو صبح 10 بجے تین روزہ دوماہی مالیاتی پالیسی کمیٹی (ایم پی سی) کے فیصلوں کا اعلان کریں گے۔ اس کے بعد دوپہر 12 بجے پریس کانفرنس بھی ہوگی۔ معاشی امور کے ماہرین نے آر بی آئی کی پالیسی شرح سود، ریپو ریٹ میں 0.25 فیصد تک اضافے کا امکان ظاہر کیا ہے۔

آر بی آئی کے گورنر سنجے ملہوترا کی صدارت میں مالیاتی پالیسی کمیٹی (ایم پی سی) نے معاشی صورتحال کا جائزہ لینے اور اہم پالیسی شرحوں کے بارے میں فیصلہ کرنے کے لیے پیر کو ممبئی میں تین روزہ جائزہ اجلاس شروع کیا۔ ریزرو بینک نے کہا ہے کہ 7 اکتوبر کو مانیٹری پالیسی اسٹیٹمنٹ اور اس کے بعد ہونے والی پریس کانفرنس کی لائیو اسٹریمنگ دیکھی جا سکتی ہے۔اس کا لنکhttps://youtube.com/live/YzOwHYFuEZQ? ہے۔

ماہرین اقتصادیات اور بینک حکام کا خیال ہے کہ مغربی ایشیا میں جاری بحران کے دوبارہ شدت اختیار کرنے سے پیدا ہونے والے افراط زر کے دباو کے درمیان ریزرو بینک اکتوبر کی مالیاتی پالیسی جائزہ میٹنگ میں ریپو ریٹ میں 0.25 فیصد اضافہ کر سکتا ہے۔ اس سے قبل بروکریج فرم نومورا نے اکتوبر سے دسمبر کے دوران ہونے والی مالیاتی پالیسی جائزہ میٹنگز میں پالیسی ریپو ریٹ میں -0.25 0.25 فیصد تک اضافے کا اندازہ ظاہر کیا ہے۔

آر بی آئی نے اگست میں ہونے والی گزشتہ ایم پی سی میٹنگ میں ریپو ریٹ کو 5.25 فیصد پر برقرار رکھا تھا۔ سال 2025 میں ریپو ریٹ میں مجموعی طور پر 1.25 فیصد کمی کرنے کے بعد مسلسل گزشتہ چار میٹنگز میں ریپو ریٹ 5.25 فیصد پر برقرار رکھا گیا ہے۔

ہندوستھان سماچار

ہندوستان سماچار / محمد شہزاد