گوہاٹی، 6 اکتوبر (ہ س)۔

آسام اور منی پور میں منگل کی صبح دو مرتبہ زلزلے کے جھٹکے محسوس کیے گئے۔ ان میں سب سے زیادہ شدت کا زلزلہ آسام کے ناگاؤں ضلع میں آیا، جس کی شدت ریکٹر اسکیل پر 4.5 ریکارڈ کی گئی۔ زلزلے کے جھٹکے آسام کے کئی علاقوں اور گوہاٹی تک محسوس کیے گئے۔ تاہم دونوں زلزلوں کے نتیجے میں کسی جانی یا مالی نقصان کی اطلاع نہیں ہے۔

محکمہ سسمولوجی کے مطابق پہلا بڑا زلزلہ منگل کی صبح 4 بج کر 23 منٹ 47 سیکنڈ پر آسام کے ناگاؤں ضلع میں آیا۔ اس کی شدت ریکٹر اسکیل پر 4.5 ریکارڈ کی گئی۔ زلزلے کا مرکز زمین سے 33 کلومیٹر کی گہرائی میں 26.428 عرض البلد اور 93.060 طول البلد پر واقع تھا۔

اسی دوران دوسرا زلزلہ منی پور کے تمینگ لانگ ضلع میں صبح 4 بج کر 27 منٹ 25 سیکنڈ پر ریکارڈ کیا گیا۔ اس کی شدت ریکٹر اسکیل پر 2.9 تھی۔ زلزلے کا مرکز زمین سے 12 کلومیٹر کی گہرائی میں 25.070 عرض البلد اور 93.568 طول البلد پر واقع تھا۔ شدت کم ہونے کی وجہ سے اس کا اثر محدود رہا۔

ماہرین کے مطابق شمال مشرقی ہندوستان زلزلے کے اعتبار سے انتہائی حساس خطہ ہے۔ اسی وجہ سے یہاں وقتاً فوقتاً ہلکی اور درمیانی شدت کے زلزلے آتے رہتے ہیں۔ انتظامیہ نے لوگوں سے چوکس رہنے اور کسی بھی ہنگامی صورتحال میں صرف سرکاری اطلاعات پر بھروسہ کرنے کی اپیل کی ہے۔

ہندوستھان سماچار

ہندوستان سماچار / Mohammad Khan