گنا، 25 اکتوبر (ہ س)۔ مدھیہ پردیش کے ضلع گنا میں سرسی تھانہ علاقے کے ساریٹھا گاؤں میں اتوار کی رات زمین کی تقسیم کے تنازعہ میں ایک شخص کو گولی مار کر ہلاک کر دیا گیا۔ متوفی بی جے پی رہنما کا چھوٹا بھائی تھا۔ اطلاع ملنے پر پولیس موقع پر پہنچ گئی ہے اور معاملے کی تحقیقات شروع کر دی ہیں۔

بتایا جا رہا ہے کہ بی جے پی کے ضلع سکریٹری ویر بہادر سنگھ ساریٹھا کے خاندان میں محکمہ جنگلات کی تقریباً 500 بیگھہ زمین کی تقسیم کو لے کر تنازعہ چل رہا تھا۔ اتوار کی رات تقریباً آٹھ بجے تنازعہ کے دوران فائرنگ ہوئی، جس میں وجے یادو (40) کو گولی لگ گئی۔ اہل خانہ انہیں تشویش ناک حالت میں ضلع اسپتال لے گئے، جہاں ڈاکٹروں نے انہیں مردہ قرار دے دیا۔

فائرنگ کا الزام مقتول وجے کے بڑے بھائی بھارت سنگھ یادو کے بیٹے وشال پر عائد کیا گیا ہے۔ اطلاع ملنے پر پولیس موقع پر پہنچی اور مقدمہ درج کر کے معاملے کی تفتیش شروع کر دی۔ پولیس ملزم کو گرفتار کرنے کی کوشش کر رہی ہے۔

ادھر، چھوٹے بھائی کی موت کی خبر سن کر بی جے پی کے ضلع سکریٹری ویر بہادر سنگھ ساریٹھا کا بلڈ پریشر بڑھ گیا، جس کے بعد انہیں ضلع اسپتال میں داخل کرایا گیا۔

ہندوستھان سماچار

ہندوستھان سماچار / محمد شہزاد