ممبئی، 2 اکتوبر(ہ س)۔

رام گوپال ورما کی آنے والی ایکشن تھرلر فلم ’پولیس کمپنی‘ کو لے کر ناظرین میں دلچسپی مسلسل بڑھ رہی ہے۔ فلم کی شوٹنگ بھی شروع ہوچکی ہے۔

اسی دوران خبر ہے کہ اداکارہ فاطمہ ثنا شیخ بھی اس فلم کا حصہ ہیں۔ تاہم فلم سازوں کی جانب سے فی الحال ان کے کردار کے بارے میں کوئی باضابطہ اعلان نہیں کیا گیا ہے۔ فلم میں ہرش وردھن رانے مرکزی کردار میں ہیں اور وہ ممبئی کے معروف انکاؤنٹر اسپیشلسٹ دیا نائک سے متاثرہ کردار ادا کر رہے ہیں۔

رپورٹ کے مطابق فاطمہ نے ستمبر میں فلم کے لیے اپنے حصے کی شوٹنگ مکمل کرلی ہے۔ بتایا جارہا ہے کہ اداکارہ کو ایک خصوصی کردار کے لیے کاسٹ کیا گیا ہے، جو مختصر ہونے کے باوجود کہانی کے لحاظ سے اہم ہے۔ ایک ذریعے کے مطابق فلم میں فاطمہ کا کردار محض کیمیو تک محدود نہیں ہے بلکہ کہانی کو آگے بڑھانے میں اس کا اہم کردار ہوگا۔ شوٹنگ کے دوران سیٹ پر لوگوں کی موجودگی محدود رکھی گئی تھی اور ان کے باڈی ڈبل کا بھی استعمال کیا گیا۔

بتایا جارہا ہے کہ ’پولیس کمپنی‘ کو دو حصوں میں تیار کیا جارہا ہے اور فاطمہ کے کردار کو دوسرے حصے میں مزید وسعت دی جاسکتی ہے۔ فلم میں ان کے کردار سے متعلق تفصیلات فی الحال خفیہ رکھی گئی ہیں۔ ذریعے کے مطابق ان کا ٹریک کہانی کے ایک اہم پہلو کو سامنے لاتا ہے، اسی وجہ سے ان کی کاسٹنگ کو عوامی طور پر ظاہر نہیں کیا گیا۔رام گوپال ورما کی یہ فلم ممبئی پولیس اور انڈر ورلڈ کے درمیان کشمکش کے پس منظر میں بنائی جانے والی ایکشن تھرلر ہے۔

ہندوستھان سماچار

ہندوستان سماچار / Mohammad Khan