مشرقی سنگھ بھوم، 18 اکتوبر (ہ س)۔

شہر میں منشیات کے غیر قانونی کاروبار پر قابو پانے کے لیے جاری مہم کے تحت جمشیدپور پولیس نے اولی ڈیہہ او پی علاقے میں چھاپہ مار کر ایک نوجوان کو گرفتار کیا ہے۔ پولیس نے اس کے قبضے سے 2.53 گرام براؤن شوگر برآمد کی ہے۔

گرفتار نوجوان کی شناخت 24 سالہ راہل کمار کے طور پر ہوئی ہے۔ پولیس اب اس سے منشیات فراہم کرنے والوں اور اس کاروبار میں ملوث دیگر افراد کے بارے میں پوچھ گچھ کر رہی ہے۔

اتوار کو پٹمدا کے ڈپٹی سپرنٹنڈنٹ آف پولیس دیانند کمار نے پریس کو بتایا کہ 18 اکتوبر کو سینئر سپرنٹنڈنٹ آف پولیس کو اطلاع ملی تھی کہ اولی ڈیہہ او پی علاقے میں ایک شخص گزشتہ چند دنوں سے غیر قانونی طور پر منشیات فروخت کر رہا ہے۔ اطلاع کو سنجیدگی سے لیتے ہوئے پہلے اس کی تصدیق کرائی گئی۔ اس کے بعد سٹی سپرنٹنڈنٹ آف پولیس کی نگرانی میں ان کی قیادت میں ایک خصوصی چھاپہ مار ٹیم تشکیل دی گئی۔

پولیس ٹیم نے سورن ریکھا پروجیکٹ بلڈنگ اور وسندھرا اسٹیٹ میدان کے قریب چھاپہ مارا۔ اس دوران مبینہ طور پر منشیات فروخت کرنے میں ملوث راہل کمار کو گرفتار کرلیا گیا۔ تلاشی کے دوران اس کے قبضے سے 2.53 گرام براو¿ن شوگر جیسا نشہ آور مادہ برآمد ہوا۔

پولیس نے اس معاملے میں اولی ڈیہہ او پی میں ایف آئی آر درج کرکے مزید کارروائی شروع کردی ہے۔

پولیس کے مطابق، گرفتار راہل کمار اولی ڈیہہ او پی علاقے میں شنکوسائی روڈ نمبر تین پر گوری دیال ہائی اسکول کے قریب رہتا ہے۔ تفتیش کے دوران یہ معلوم کرنے کی کوشش کی جا رہی ہے کہ وہ منشیات کہاں سے حاصل کرتا تھا اور اس غیر قانونی کاروبار میں اس کے ساتھ کون کون ملوث ہے۔

ہندوستھان سماچار

ہندوستان سماچار / عطاءاللہ