نئی دہلی، 11 اکتوبر (ہ س)۔ عالمی بازار میں سونے کی قیمتوں میں اضافے کا اثر آج مسلسل دوسرے دن گھریلو صرافہ بازار میں بھی نظر آ رہا ہے۔ ہندوستانی صرافہ بازار میں بھی آج سونے کی قیمتوں میں تیزی کا رجحان برقرار ہے۔ اسی طرح چار دن تک قیمتیں مستحکم رہنے کے بعد آج چاندی کی قیمت میں 5,100 روپے فی کلوگرام کا اضافہ درج کیا گیا ہے۔ قیمتوں میں اس اضافے کے باعث آج ملک کے بیشتر صرافہ بازاروں میں سونا 640 روپے سے لے کر 700 روپے فی 10 گرام تک مہنگا ہو گیا ہے۔

قیمتوں میں اس تبدیلی کے بعد بیشتر صرافہ بازاروں میں 24 کیرٹ سونا آج 1,51,420 روپے سے لے کر 1,51,570 روپے فی 10 گرام کی سطح پر کاروبار کر رہا ہے۔ اسی طرح 22 کیرٹ سونا آج 1,38,800 روپے سے لے کر 1,38,950 روپے فی 10 گرام کے درمیان فروخت ہو رہا ہے۔ چاندی کی قیمت میں بھی اضافے کے باعث یہ چمکدار دھات دہلی کے صرافہ بازار میں آج 2,40,000 روپے فی کلوگرام کی سطح پر فروخت ہو رہی ہے۔

ہفتہ وار بنیاد پر دیکھا جائے تو بین الاقوامی بازار میں تیزی کے رجحان کے باعث سونے اور چاندی، دونوں دھاتوں کی قیمتوں میں مضبوطی درج کی گئی ہے۔ گزشتہ ہفتے کے کاروبار کے دوران 24 کیرٹ سونا 2,240 روپے فی 10 گرام تک مہنگا ہو گیا۔ اسی طرح 22 کیرٹ سونے کی قیمت میں ہفتہ وار بنیاد پر 2,050 روپے فی 10 گرام تک اضافہ ہوا۔ عالمی بازار سے ملنے والے مستحکم اشاروں کے باعث گزشتہ ہفتے چاندی کی قیمت مسلسل مستحکم رہی۔ تاہم، آج کی تیزی کے بعد ہفتہ وار بنیاد پر چاندی کی قیمت میں 5,100 روپے فی کلوگرام تک کا اضافہ درج کیا گیا ہے۔

دہلی، ممبئی سمیت بڑے شہروں میں سونے کی قیمت

دہلی میں آج 24 کیرٹ سونا 1,51,570 روپے فی 10 گرام کی سطح پر کاروبار کر رہا ہے، جبکہ 22 کیرٹ سونے کی قیمت 1,38,950 روپے فی 10 گرام درج کی گئی ہے۔

ملک کی اقتصادی راجدھانی ممبئی میں 24 کیرٹ سونا 1,51,420 روپے فی 10 گرام اور 22 کیرٹ سونا 1,38,800 روپے فی 10 گرام کی سطح پر فروخت ہو رہا ہے۔ اسی طرح احمد آباد میں 24 کیرٹ سونے کی خوردہ قیمت 1,51,470 روپے فی 10 گرام اور 22 کیرٹ سونے کی قیمت 1,38,850 روپے فی 10 گرام درج کی گئی ہے۔

ان بڑے شہروں کے علاوہ چنئی میں 24 کیرٹ سونا آج 1,51,420 روپے فی 10 گرام اور 22 کیرٹ سونا 1,38,800 روپے فی 10 گرام کی قیمت پر فروخت ہو رہا ہے۔ اسی طرح کولکاتا میں 24 کیرٹ سونا 1,51,420 روپے فی 10 گرام اور 22 کیرٹ سونا 1,38,800 روپے فی 10 گرام کی سطح پر کاروبار کر رہا ہے۔

بھوپال میں 24 کیرٹ سونے کی قیمت 1,51,470 روپے فی 10 گرام ہے، جبکہ 22 کیرٹ سونا 1,38,850 روپے فی 10 گرام کی سطح پر فروخت ہو رہا ہے۔

جے پور، پٹنہ اور لکھنؤ میں بھی سونا مہنگا

جے پور میں 24 کیرٹ سونا 1,51,570 روپے فی 10 گرام اور 22 کیرٹ سونا 1,38,950 روپے فی 10 گرام کی سطح پر فروخت ہو رہا ہے۔

پٹنہ میں 24 کیرٹ سونے کی قیمت 1,51,470 روپے فی 10 گرام درج کی گئی ہے، جبکہ 22 کیرٹ سونا 1,38,850 روپے فی 10 گرام کی سطح پر فروخت ہو رہا ہے۔

لکھنؤ کے صرافہ بازار میں آج 24 کیرٹ سونا 1,51,570 روپے فی 10 گرام اور 22 کیرٹ سونا 1,38,950 روپے فی 10 گرام کی سطح پر فروخت ہو رہا ہے۔

بنگلورو، حیدرآباد اور بھونیشور میں بھی قیمتوں میں تیزی

ملک کی دیگر ریاستوں کی طرح کرناٹک، تلنگانہ اور اڈیشہ کے صرافہ بازاروں میں بھی آج سونے کی قیمتوں میں تیزی کا رجحان برقرار ہے۔

ان تینوں ریاستوں کے دارالحکومتوں، بنگلورو، حیدرآباد اور بھونیشور میں 24 کیرٹ سونا 1,51,420 روپے فی 10 گرام کی سطح پر کاروبار کر رہا ہے۔ اسی طرح ان تینوں شہروں کے صرافہ بازاروں میں 22 کیرٹ سونا 1,38,800 روپے فی 10 گرام کی قیمت پر فروخت ہو رہا ہے۔

ہندوستھان سماچار

---------------

ہندوستان سماچار / عبدالسلام صدیقی