نوئیڈا، 10 اکتوبر (ہ س)۔ نوئیڈا انڈور اسٹیڈیم میں جاری والی بال چیمپئنز لیگ کے مقابلے اب شائقین بغیر کسی داخلہ فیس کے دیکھ سکیں گے۔ منتظمین نے ہندوستان میں والی بال کو فروغ دینے اور زیادہ سے زیادہ لوگوں کو اس کھیل سے جوڑنے کے مقصد سے مفت داخلے کا انتظام کیا ہے۔اس اقدام کا مقصد اسٹیڈیم میں شائقین کی تعداد بڑھانے کے ساتھ ملک بھر میں والی بال کو زیادہ مقبول بنانا ہے۔ مفت داخلے کی سہولت سے شائقین اسٹیڈیم پہنچ کر براہ راست مقابلوں کے جوش و خروش سے لطف اندوز ہو سکیں گے۔ منتظمین کو امید ہے کہ اس سے والی بال کی مقبولیت میں اضافہ ہوگا اور لوگوں کی کھیل میں دلچسپی مزید بڑھے گی۔

لیگ کے سات مقابلوں کے بعد گروپ اے میں ایمپیریا مراٹھاز دو جیت کے ساتھ چار پوائنٹس حاصل کرکے پہلے مقام پر ہے۔ پنجاب ایئرو اسٹرائیکرز تین پوائنٹس کے ساتھ دوسرے، جبکہ ایودھیا گرجن دو پوائنٹس کے ساتھ تیسرے مقام پر ہے۔

گروپ بی میں تمل ٹائٹنز دو جیت کے ساتھ چار پوائنٹس حاصل کرکے پہلے مقام پر ہے۔ نمّا بنگلورو اسمیشرس بھی چار پوائنٹس کے ساتھ دوسرے مقام پر موجود ہے، جبکہ ہریانہ ہریکینز تین پوائنٹس کے ساتھ تیسرے نمبر پر ہے۔والی بال چیمپئنز لیگ میں مجموعی طور پر 10 ٹیمیں حصہ لے رہی ہیں۔ ان میں ایمپیریا مراٹھاز، پنجاب ایئرو اسٹرائیکرز، ایودھیا گرجن، گروی گجوز، راجستھان اسپائیکرس، تمل ٹائٹنز، نمّا بنگلورو اسمیشرس، ہریانہ ہریکینز، دہلی ڈائنامائٹس اور ہوگلی ہٹرز شامل ہیں۔مفت داخلے کی سہولت سے شائقین کو اسٹیڈیم میں پہنچ کر میچ دیکھنے کا موقع ملے گا، جبکہ منتظمین کو توقع ہے کہ اس سے والی بال کے تئیں عوامی دلچسپی میں اضافہ ہوگا اور اس کھیل کو ملک بھر میں نئی پہچان ملے گی۔

ہندوستھان سماچار

ہندوستان سماچار / Mohammad Khan