ممبئی، یکم اکتوبر (ہ س)۔ راج کمار راؤ اور وامیکا گبی کی آنے والی فلم ’پرہار‘ کے ٹریلر نے ناظرین کی توجہ مبذول کرنے کے بعد اب اس کا پہلا گانا ’میرے رہتے‘ بھی ریلیز کر دیا گیا ہے۔ گانے میں جوش سے بھرپور موسیقی اور جذباتی بول سننے کو ملتے ہیں۔

اس گانے کی عکس بندی راج کمار راؤ اور وامیکا گبی پر کی گئی ہے۔ گانے کے ساتھ فلم کی کہانی سے جڑے کچھ سنجیدہ اور خوفناک مناظر بھی دکھائے گئے ہیں، جو 26/11 ممبئی دہشت گردانہ حملے کے بعد شروع ہونے والی قانونی لڑائی کی جھلک پیش کرتے ہیں۔

’میرے رہتے‘ کو وشال مشرا نے اپنی آواز دی ہے اور اس کی موسیقی بھی انہوں نے ہی ترتیب دی ہے۔ گانے کے بول امیتابھ بھٹاچاریہ نے لکھے ہیں۔ ٹی سیریز کی جانب سے پیش کیے گئے اس گانے میں موسیقی اور جذبات کے درمیان خوبصورت توازن دیکھنے کو ملتا ہے۔ فلم کی کہانی میں رشتوں کے ساتھ اس قانونی جدوجہد کو بھی اہمیت دی گئی ہے، جو 26/11 حملے کے بعد ملک کے سامنے آئی تھی۔

اونیاش ارون کی ہدایت کاری میں بنی ’پرہار‘ میڈاک فلمز کے بینر تلے تیار کی گئی بایوگرافیکل ڈراما فلم ہے۔ فلم میں راج کمار راو معروف ہندوستانی وکیل اجول نکم کا کردار ادا کر رہے ہیں۔ اجول نکم نے 26/11 ممبئی دہشت گردانہ حملے کے مقدمے میں استغاثہ کی پیروی کی تھی، جس میں اجمل قصاب کو مجرم قرار دے کر سزائے موت سنائی گئی تھی۔ ’پرہار‘ 16 اکتوبر 2026 کو سینما گھروں میں ریلیز ہوگی۔

ہندوستھان سماچار

ہندوستان سماچار / محمد شہزاد