ممبئی، یکم اکتوبر (ہ س)۔
بالی ووڈ اداکارہ نصرت بھروچا بالی میں ایک پروجیکٹ کی شوٹنگ کے دوران زخمی ہوگئی ہیں۔ بتایا جا رہا ہے کہ وہ کام کے سلسلے میں انڈونیشیا کے بالی پہنچی تھیں، جہاں شوٹنگ کے دوران ان کے ساتھ حادثہ پیش آیا۔ زخمی ہونے کے بعد انہیں مقامی اسپتال میں داخل کرایا گیا، جہاں ان کا علاج جاری ہے۔ فی الحال ان کی چوٹ کتنی سنگین ہے، اس حوالے سے کوئی تفصیلی معلومات سامنے نہیں آئی ہیں۔
رپورٹ کے مطابق علاج کی وجہ سے نصرت نے بالی میں اپنا قیام مزید کچھ دن کے لیے بڑھا دیا ہے۔ حادثے کی وجہ اور ان کی چوٹ سے متعلق تفصیلی معلومات ابھی سامنے نہیں آئی ہیں۔ اداکارہ کی جانب سے بھی اس معاملے میں کوئی باضابطہ بیان جاری نہیں کیا گیا ہے۔ اس لیے ان کی صحت کے حوالے سے سامنے آنے والی معلومات فی الحال رپورٹس اور ذرائع پر مبنی ہیں۔ یہ خبر سامنے آنے کے بعد نصرت کے مداح ان کی جلد صحت یابی کے لیے دعا کر رہے ہیں۔
حادثے سے تقریباً ایک ہفتہ قبل نصرت بھروچا نے بالی سے کچھ تصاویر سوشل میڈیا پر شیئر کی تھیں۔ ایسے میں اچانک ان کے اسپتال میں داخل ہونے کی خبر سامنے آنے کے بعد ان کے مداح تشویش میں مبتلا ہیں اور اداکارہ کی جلد صحت یابی کی دعا کر رہے ہیں۔
ہندوستھان سماچار
ہندوستان سماچار / عطاءاللہ
