مالدہ، 31 جنوری (ہ س)۔ مالدہ ضلع کے حبیب پور پولیس اسٹیشن نے ہندوستان-بنگلہ دیش سرحد پر غیر قانونی دراندازی کو روکنے کی اپنی مہم میں ایک بڑی کامیابی حاصل کی ہے۔ ایک ہندوستانی نوجوان کو مبینہ طور پر رقم کے عوض بنگلہ دیشی شہریوں کو ہندوستانی حدود میں غیر قانونی طور پر داخل ہونے میں مدد کرنے کے الزام میں گرفتار کیا گیا ہے۔ گرفتار ملزم کی شناخت راجو منڈل عرف سجیت چودھری (28) کے طور پر کی گئی ہے جو کہ حبیب پور کے آگرہ ہریچندر پور علاقہ کا رہنے والا ہے۔پولیس ذرائع کے مطابق 21 جنوری کو دراندازی کی اس رِنگ کا پردہ فاش کیا گیا تھا۔ اس دن ایک بنگلہ دیشی شہری کو غیر قانونی طور پر سرحد عبور کرنے پر گرفتار کیا گیا تھا۔ پوچھ گچھ کے دوران بنگلہ دیشی شہری نے راجو منڈل کا نام ظاہر کیا۔ تحقیقات سے پتہ چلا کہ راجو پیسوں کے عوض ایک بارڈر کراسنگ ایجنٹ کے طور پر کام کر رہا تھا۔اس کے بعد پولیس نے چھاپہ مار کر راجو منڈل کو گرفتار کرلیا۔ پولیس اب اس بات کی تحقیقات کر رہی ہے کہ وہ کتنے عرصے سے اس غیر قانونی کاروبار میں ملوث تھا اور اس نے کتنے لوگوں کو سرحد پار کرنے میں مدد کی تھی۔

ہندوستھان سماچار

ہندوستان سماچار / Mohammad Khan