اسلام آباد، 23 جنوری (ہ س)۔

پاکستان کے صوبہ سندھ کے شہر کراچی میں گل شاپنگ پلازہ میں آتشزدگی سے ہلاک ہونے والے 67 افراد میں سے 16 کی شناخت ہو گئی ہے۔ سب کا پوسٹ مارٹم مکمل ہو چکا ہے۔ گورنر سندھ نے ذمہ داری کا تعین کرنے کے لیے سانحہ گل پلازہ کی جوڈیشل انکوائری کا مطالبہ کیا ہے۔

دنیا نیوز کی رپورٹ کے مطابق کراچی پولیس سرجن ڈاکٹر سمیعہ سید نے بتایا کہ پلازہ سے برآمد ہونے والی 67 لاشوں کا پوسٹ مارٹم مکمل کر لیا گیا ہے۔ ابھی تک مرنے والوں میں سے صرف 16 کی شناخت ہو سکی ہے۔ ڈاکٹر سامعہ سید نے بتایا کہ پلازہ سے برآمد ہونے والی چھ لاشوں کی شناخت ہو گئی ہے جبکہ آٹھ مہلوکینکی شناخت ڈی این اے کے ذریعے کی گئی ہے۔ ایک لاش کی شناخت قومی شناختی کارڈ سے ہوئی جبکہ دوسری لاش کی شناخت گلے میں پہنی ہوئی لاکٹ سے ہوئی۔

سینئر فائر آفیسر ظفر خان نے بتایا کہ پلازہ کے گراو¿نڈ فلور پر دوبارہ آگ بھڑک اٹھی تاہم اسے کامیابی سے بجھایا گیا۔ ان کا کہنا تھا کہ آگ چھت پر ڈیزل کی ٹینک کو ہٹاتے ہوئے لگی جس پر فوری طور پر قابو پالیا گیا۔ خان نے مزید کہا کہ عمارت کا ڈھانچہ بہت کمزور ہے اور صرف سرچ آپریشن جاری ہے۔ ملبے سے ابھی تک کوئی لاشیں نہیں ملی ہیں۔ صرف باقیات مل رہی ہیں۔

ہندوستھان سماچار

ہندوستان سماچار / عطاءاللہ