مظفر پور،21جنوری(ہ س)۔بہار کے مظفر پور میں ایک بڑا حادثہ پیش آیا۔ بدھ کے روز شہر کے صدر تھانہ علاقہ کھبرا میں واقع وجے انکلیو اپارٹمنٹس میں ڈی ایس پی کے فلیٹ میں کام کرنے والی ایک خاتون کی گر کر موت ہوگئی۔ حادثہ اس وقت پیش آیا جب وہ پانچویں منزل سے واپس آرہی تھی اور لفٹ میں تکنیکی خرابی کی وجہ سے خرابی پیدا ہوگئی۔متوفی کی شناخت دربھنگہ ضلع کے اشوک پیپر مل تھانہ علاقہ کے وشنو پور گاؤں رہائشی پونیتا دیوی (55) کے طور پر ہوئی ہے۔ وہ ڈی ایس پی ابھیجیت الکیش کے فلیٹ میں گھریلو ملازمہ کے طور پر کام کرتی تھی۔ ڈی ایس پی اس وقت پٹنہ میں تعینات ہیں، جب کہ ان کا خاندان مظفر پور کے فلیٹ میں رہتا ہے۔ اطلاعات کے مطابق پونیتا دیوی کسی گھریلو کام سے پانچویں منزل پر گئی تھی۔ واپسی کے دوران انہیںاندازہ نہیں تھا کہ لفٹ کی کیبن پانچویں منزل پر موجود نہیںہے۔ لفٹ میں تکنیکی خرابی کے باعث یہ پہلی منزل پر پھنس گئی۔ جیسے ہی خاتون نے لفٹ کا شٹر کھولا اور اندر قدم رکھا تو وہ تقریباً 50 فٹ نیچے گر گئی۔گرنے کی تیز آواز سن کر آس پاس کے لوگ جائے وقوعہ پر پہنچ گئے۔ مقامی لوگوں کے مطابق جائے وقوعہ پر خون بہہ رہا تھا اور خاتون بے ہوش پڑی تھی۔ پولیس کو فوری اطلاع دی گئی۔ پولیس نے جائے وقوعہ پر پہنچ کر لاش کو قبضے میں لے کر پوسٹ مارٹم کے لیے ایس کے ایم سی ایچ بھیج دیا۔ دراصل واقعہ کے وقت ڈی ایس پی اپنے فلیٹ میں موجود نہیں تھے۔ ان کے والد منوج کمار سنہا اور ان کی اہلیہ فلیٹ نمبر 101 میں موجود تھے۔ پولس پورے معاملے کی تحقیقات کر رہی ہے۔ہندوستھان سماچار

ہندوستان سماچار / Mohammad Afzal Hassan