لکھنؤ، 19 جنوری (ہ س)۔ اترپردیش کی راجدھانی لکھنؤ کے ملیح آباد تھانہ علاقے میں پیر کو ایک پک-اپ گاڑی اور آٹو ای -رکشہ میں ٹکر ہو گئی ۔ حادثے میں سات افراد زخمی ہوگئے۔ پولیس موقع پر پہنچی اور زخمیوں کو علاج کے لیے سینٹرل ہیلتھ سینٹر (سی ایچ سی) میں داخل کرایا۔

ملیح آباد پولیس اسٹیشن کے انچارج سریندر سنگھ بھاٹی نے بتایا کہ لکی دھرم کانٹا کے قریب لکڑی کے پلائیووڈ سے لدی ایک مہندرا پک اپ (ڈالا) گاڑی نمبر (یو پی 30 بی ٹی 0474) بے قابو ہوکر الٹ گئی۔ ایک ای رکشہ (یو پی 32کیو ٹی ٹی 1544) اس کی زد میں آ گئی۔

اس حادثہ میں آٹو رکشا میں سوار کئی افراد زخمی ہوگئے۔ پولیس ٹیم نے تیزی سے کام کرتے ہوئے تمام زخمیوں کو فوری طور پر ایمبولینس کے ذریعے ابتدائی طبی امداد کے لیے کمیونٹی ہیلتھ سینٹر (سی ایچ سی ) ملیح آباد بھیج دیا۔

زخمیوں میں ملیح آباد کے رہائشی شہاب الدین، شیام کشور، اشرفی لال، دانش علی، اناؤ کے رہائشی عمر، خوشبو اور نورجہاں شامل ہیں۔ ان تمام کا علاج جاری ہے۔ پولیس نے زخمی گاڑیوں کو سڑک سے ہٹا کر معمول کی ٹریفک بحال کر دی ہے۔

ہندوستھان سماچار

ہندوستان سماچار / محمد شہزاد