علی گڑھ, 15 جنوری (ہ س)متحدہ کسان مورچہ اور بجلی صارفین فورم کے بینر تلے علی گڑھ کے لال ڈگی بجلی گھرپر احتجاج جاری رہا۔16 جنوری کے احتجاج کی کامیابی کو یقینی بنانے کے لیے گاوں میں مسلسل میٹنگیں کی جا رہی ہیں۔متحدہ کسان مورچہ کی قومی کال پر16؍ جنوری کو ملک بھر کے ضلعی ہیڈکوارٹرپر احتجاجی مظاہرہ ہوگا اور گاوں میں پنچایتیں منعقد کی جائیں گی۔ ضلع میں سرگرم بھارتیہ کسان یونین (بی کے یو) ، کسان سبھا اور کرانتی کاری کسان سنگھ کے مختلف دھڑے بھی صبح11 بجے لال ڈگی میں جمع ہوں گے۔ اسکے بعد کسان لال ڈگی میں جاری احتجاج سے کلکٹریٹ تک مارچ کریں گے۔احتجاج کے ذریعے کسان بجلی کے نئے بل ، بیج بل، وی بی جی، رام جی بل اور دیگر مسائل کے خلاف مخالفت درج کرائیں گے۔ اس احتجاج کو ٹریڈ یونینوں اور بجلی صارفین کی تنظیموں کی بھی حمایت حاصل ہوگی۔اس سلسلہ میںمورتھل، دارا پور، نگلا مالی، جیرولی ڈور اور مہوا کھیڑا سمیت متعدد گاوں میں کسان مزدور میٹنگیں منعقد ہوئیں۔ ان میٹنگوں میں کسانوں، مزدوروں اور عام عوام سے اپیل کی گئی کہ وہ عوام دشمن پالیسیوں؍ قوانین کی مخالفت کریں، بجلی اور روزگار کے مواقع کو نجی ہاتھوں میں جانے سے روکنے کے لیے متحد ہو کر جدوجہد کریں۔اس موقع پر ناگیندر چودھری، سریش چندر گاندھی، پشپندر چودھری، روپیش کمار، گوکل کرن، راجیش کمار، ناگیندر سنگھ، بھگوتی پرساد، نیترم، پپو سنگھ، حاجی مفید اور دیگر افراد موجود تھے۔
---------------
ہندوستان سماچار / سید کامران علی گڑھ
