فتح آباد، 7 ستمبر (ہ س)۔

ہنی ٹریپ کے ذریعے بلیک میلنگ کے سنگین معاملے میں کارروائی کرتے ہوئے بھونا پولیس نے تین نوجوانوں کو گرفتار کرنے میں کامیابی حاصل کی ہے۔ گرفتار ملزمان کی شناخت ٹیکا رام ولد بھوپ سنگھ ساکنہ ماڈل ٹاو¿ن بھونا، ہرپال ولد کرم بیر اور کلدیپ سنگھ ولد کرمبیر ساکنہ وارڈ نمبر 14 بھونا کے طور پر ہوئی ہے۔

اتوار کو اس بارے میں معلومات دیتے ہوئے بھونا تھانے کے انچارج سب انسپکٹر اوم پرکاش نے بتایا کہ اس سلسلے میں بھونا کے رہنے والے ریٹائرڈ فوجی اہلکار دھیر سنگھ کی شکایت پر مقدمہ درج کیا گیا ہے۔ شکایت کنندہ نے بتایا کہ کچھ افراد نے سازش رچی اور جھوٹے الزامات لگا کر اس سے لاکھوں روپے بھتہ لیا اور اس کی ساکھ خراب کرنے کی دھمکیاں دیں۔ اس سلسلے میں شکایت کنندہ نے پولیس کو ایک آڈیو ریکارڈنگ بھی فراہم کی تھی۔ پولیس تفتیش میں پہلی نظر میں الزامات کے سچ ثابت ہونے پر ملزم کے خلاف مقدمہ درج کر لیا گیا۔ اس کے بعد خصوصی ٹیم تشکیل دے کر چھاپہ مارا گیا اور تین ملزمان کو گرفتار کیا گیا۔ اسٹیشن انچارج نے بتایا کہ اس معاملے میں ملوث دیگر افراد کے کردار کی بھی جانچ کی جارہی ہے۔ سپرنٹنڈنٹ آف پولیس نے عام لوگوں سے اپیل کی ہے کہ اگر وہ کسی بھی قسم کی بلیک میلنگ یا دھوکہ دہی کا شکار ہو جائیں تو فوری طور پر پولیس کو اطلاع دیں۔ پولیس ایسے معاملات میں سخت کارروائی کو یقینی بنائے گی۔

ہندوستھان سماچار

ہندوستان سماچار / عطاءاللہ