بیرک پور، 18 ستمبر (ہ س)۔

کلیانی ایکسپریس وے پر کھردہ کے قریب وشوکرما پوجا کے دن پتنگ اڑاتے ہوئے ایک سابق فوجی چینی مانجھے میں پھنس گیا اور مانجھا کے ذریعہ اس کا گلا کٹ جانے کے بعد بہت زیادہ خون بہنے کی وجہ سے اس کی موت ہوگئی۔ مقامی لوگوں نے اسے فوری طور پر بانڈی پور اسپتال پہنچایا، جہاں ڈاکٹروں نے اسے مردہ قرار دے دیا۔

اس واقعہ کے بعد، بیرک پور پولس کمشنریٹ نے سخت رویہ اختیار کیا اور کل رات مختلف تھانوں کے علاقوں میں خصوصی آپریشن شروع کیا، جس میں کل 11 لوگوں کو گرفتار کیا گیا۔

ملزمان کو مختلف تھانوں کی مشترکہ کارروائی کے ذریعے گرفتار کیا گیا۔ اس کارروائی میں تھانہ کھردہ پولیس نے پانچ ملزمان کو گرفتار کرلیا۔ نیو بیرک پور تھانے نے چار، موہن پور تھانے نے دو کو اور ٹیٹا گڑھ تھانے نے ایک ملزم کو گرفتار کیا۔

ان تمام کے قبضے سے بڑی مقدار میں ممنوعہ چینی مانجھا اور متعلقہ مواد برآمد ہوا ہے۔ تمام ملزمان کو بیرک پور کی عدالت میں پیش کیا جائے گا۔

پولیس ذرائع نے واضح کیا ہے کہ آپریشن چینی مانجھے کی غیر قانونی تجارت کو روکنے کے لیے کیا جا رہا ہے۔ پابندی کے باوجود اس کی کھلے عام فروخت اور استعمال عام شہریوں کے تحفظ کے لیے سنگین خطرہ بن گیا ہے۔

ہندوستھان سماچار

ہندوستان سماچار / عطاءاللہ