کھٹمنڈو، 16 ستمبر (ہ س)۔ نیپال کی نئی مقرر کردہ عبوری وزیر اعظم سشیلا کارکی اور بھارت کے وزیر اعظم نریندر مودی کے درمیان ویڈیو کانفرنس کے لیے ایک وقت طے کیا گیا ہے۔ یہ گفتگو جمعرات کو صبح ساڑھے گیارہ بجے ہوگی۔ نیپال حکومت کے چیف سکریٹری ایک نارائن آریال نے منگل کو کہا کہ پہلے یہ بات چیت آج سہ پہر 3:30 بجے طے تھی لیکن کچھ تکنیکی وجوہات کی بنا پر اسے پرسوں تک ملتوی کر دیا گیا ہے۔ نیپال میں قومی سوگ کی وجہ سے بات چیت پرسوں تک ملتوی کر دی گئی ہے۔ وزیر اعظم مودی وزیر اعظم کا عہدہ سنبھالنے کے بعد سشیلا کارکی کو مبارکباد دینے والے پہلے غیر ملکی سربراہ تھے۔ انہوں نے نیپالی زبان میں ٹویٹ کرکے انہیں مبارکباد بھی دی۔

ہندوستھان سماچار

---------------

ہندوستان سماچار / عبدالواحد