نئی دہلی، 16 ستمبر (ہ س)۔ وزیر اعظم نریندر مودی اور ڈنمارک کی وزیر اعظم میٹے فریڈرکسن نے منگل کو ٹیلی فون پر بات چیت کی۔ اس دوران دونوں رہنماؤں کے درمیان یوکرین تنازعہ اور ہندوستان-یورپی یونین آزاد تجارتی معاہدے پر تبادلہ خیال کیا گیا۔

وزیراعظم دفتر کے مطابق دونوں رہنماؤں نے علاقائی اور عالمی اہمیت کے امور پر تبادلہ خیال کیا۔ وزیر اعظم نے یوکرین تنازعہ کے پرامن حل اور جلد امن کی بحالی کے لیے ہندوستان کی مسلسل حمایت کا اعادہ کیا۔ وزیر اعظم فریڈرکسن نے 2026 میں ہندوستان کی میزبانی میں ہونے والی اے آئی امپیکٹ سمٹ کی کامیابی کے لیے باہمی طور پر فائدہ مند ہندوستان-یورپی یونین آزاد تجارتی معاہدے کو جلد از جلد مکمل کرنے کے لیے ڈنمارک کی مضبوط حمایت کی تصدیق کی۔

وزیر اعظم مودی نے ڈنمارک کی یورپی یونین کونسل کی موجودہ صدارت کی کامیابی اور اقوام متحدہ کی سلامتی کونسل کی عارضی رکنیت کے لیے اپنے ہم منصب کو نیک خواہشات کا اظہار کیا۔

دونوں لیڈروں نے تجارت، سرمایہ کاری، اختراع، توانائی، پانی کے انتظام، فوڈ پروسیسنگ اور پائیدار ترقی جیسے شعبوں میں ہندوستان-ڈنمارک گرین اسٹریٹجک پارٹنرشپ کو مزید مضبوط کرنے کے اپنے عزم کا اعادہ کیا۔

ہندوستھان سماچار

---------------

ہندوستان سماچار / عبدالواحد