کوچ بہار، 16 ستمبر (ہ س)۔ ضلع میں منگل کی صبح ایک خوفناک سڑک حادثے میں چار افراد کی موت ہو گئی۔ یہ حادثہ چلکیرہاٹ علاقے میں پیش آیا، جہاں ایک چھوٹا فور وہیلر بے قابو ہو کر سڑک کے کنارے ایک گڑھے میں جا گرا۔

پولیس ذرائع کے مطابق گاڑی چاندماری سے دیوان ہاٹ جارہی تھی۔ اس دوران اچانک توازن کھو جانے سے حادثہ پیش آیا۔ گاڑی میں کل پانچ افراد سوار تھے۔ چار مسافر موقع پر ہی دم توڑ گئے جبکہ ایک خاتون نے کسی طرح باہر نکل کر اپنی جان بچائی۔

مرنے والوں کی شناخت دھننجے برمن، امت داس، سنجے داس اور پارتھا داس کے طور پر کی گئی ہے۔ پولیس نے مرنے والوں کی لاشیں برآمد کر کے کوچ بہار میڈیکل کالج میں پوسٹ مارٹم کا عمل جاری ہے۔

پولیس کا ابتدائی اندازہ ہے کہ مسلسل بارش کی وجہ سے سڑک پھسلن تھی جس کی وجہ سے گاڑی کا توازن بگڑ گیا اور یہ حادثہ پیش آیا۔ واقعے کے بعد علاقے میں سوگ کی لہر دوڑ گئی ہے۔

قابل ذکر ہے کہ اس سے تین دن پہلے کولکتہ کے کیستوپور-وی آئی پی روڈ پر ایک پک اپ وین بے قابو ہو کر تین بائک سے ٹکرا گئی تھی۔ اس حادثے میں ایک موٹر سائیکل سوار وین کے نیچے پھنس گیا جسے مقامی لوگوں نے بڑی مشکل سے نکالا اور ہسپتال لے گئے۔ باگوئیٹی پولیس اسٹیشن نے اس معاملے میں ڈرائیور کو موقع سے اپنی تحویل میں لے لیا تھا۔

ہندوستھان سماچار

---------------

ہندوستان سماچار / عبدالواحد