نئی دہلی، 13 ستمبر (ہ س)۔

اولمپین اور موجودہ مکسڈ ٹیم پسٹل کی عالمی چمپئن ایشا سنگھ نے انٹرنیشنل شوٹنگ اسپورٹس فیڈریشن (آئی ایس ایس ایف) ورلڈ کپ رائفل/پستول، ننگبو (چین) میں شاندار کارکردگی کا مظاہرہ کیا اور خواتین کے 10 میٹر ایئر پسٹل مقابلے میں طلائی تمغہ جیت کر ہندوستان کو مقابلے کا پہلا تمغہ دلایا۔ ننگبو اولمپک اسپورٹس سینٹر میں منعقدہ فائنل میں ایشا نے میزبان چین کے پسندیدہ اور فارم میں موجود یاو¿ چیانسن کو صرف 0.1 پوائنٹس سے شکست دی۔ ساتھ ہی اس ایونٹ کے موجودہ اولمپک چمپئن کوریا کے او یجن کو کانسی کے تمغے پر اکتفا کرنا پڑا۔

پہلی بار ورلڈ کپ ایئر پسٹل ایونٹ میں طلائی تمغہ جیتنے کے بعد ایشا نے کہا، میں بہت خوش ہوں کیونکہ ایئر پسٹل وہی ایونٹ ہے جس کے ساتھ میں نے شوٹنگ شروع کی تھی۔ اس میں ورلڈ کپ میں گولڈ جیتنا میرے لیے بہت بڑی کامیابی ہے۔ اپنے کچھ مقاصد کو پورا ہوتے ہوئے دیکھ کر اچھا لگتا ہے۔ آنے والے چیلنجوں کے بارے میں، انہوں نے کہا، اس سال اگلا بڑا ہدف عالمی چمپئن شپ ہے۔ ہم اس کے لیے سخت محنت کر رہے ہیں اور مجھے یقین ہے کہ قاہرہ میں ہندوستانی ٹیم کی کارکردگی شاندار رہے گی۔

فائنل کے دوران ذہنیت کے بارے میں بات کرتے ہوئے ایشا نے کہا، ہاں مجھے پتہ تھا کہ بھارت کو اب تک کوئی عہدہ نہیں ملا ہے اور مقابلے میں عالمی سطح کی نشانے باز ہیں ۔ لیکن میں ان کھلاڑیوں کے خلاف کئی بار فائنل کھیل چکی ہوں اور اب مجھے یقین ہے کہ پسٹل میرے ہاتھ میں ہے اور اصلی لڑائی میرے خود کے ساتھ ہے اس لئے میں میچ کو زیادہ سے زیادہ انجوائے کرنے کی کوشش کرتی ہوں ۔

ایشا اور ردم سانگوان نے 578 نمبر بنا کر خواتین کی ایئر پسٹل فائنل کے آخری دن دو مقام حاصل کئے ۔یاو¿ چیانسن 584 کے سکور کے ساتھ سر فہرست رہیں ۔ وہیں صرف ریکنگ نمبر کے لئے کھیل رہی ایشیائی کھیلوں کی چمپئن پلک گلیا نے شاندار 586 نمبر بنائے جو تمام سے بہتر تھا ۔ بھارت کی تیسری مقابل سربھی راو¿568 نمبر بنا کر 25ویں مقام پر رہیں۔آٹھ نشانے بازوں کے فائنل میں ایشا اور ردم نے اچھی شروعات کی ۔ پہلے پانچ شاٹ کے بعد ردم سر فہرست پر تھیں اور ایشا دوسرے مقام پر جبکہ ہنگری کی پیرس اولمپک تمغہ فاتح ویرونیکا میجر تعاقب کر رہی تھیں۔

دوسری سیریز کے بعد ایشا 0.2 پوائنٹس کی برتری کے ساتھ ٹاپ پر آگئیں۔ ردم پانچویں مقام پر کھسک گئیں اور آخر تک اسی پر رہیں ۔ سنگل شاٹ شروع ہونے پر دباو¿ کا اثر اولمپک چمپئن او یوجن پر بھی دکھا جب انہوں نے گیارہویں شاٹ پر نچلے 8نمبر لگائے ۔بارہویں شاٹ کے بعد چین کی 19سال زینگ سب سے پہلے باہر ہوئیں ۔ ایشا نے 13ویں شاٹ پر 10.8 کا سٹیک نشانہ لگایا۔ ردم نے بھی 15ویں شاٹ پر 10.8 مار کر کچھ وقت کے لئے چوتھے مقام پر چڑھائی کی لیکن لیکن 18ویں شاٹ تک ان کی مہم ختم ہو گئی۔

آخری چھ شاٹس میں ایشا 1.1 پوائنٹس سے آگے تھی لیکن 19ویں شاٹ کے بعد یاو¿ نے اس فرق کو کم کر کے 0.6 کر دیا۔ ایشا نے دباو¿ کا مقابلہ کیا اور لگاتار دو 10.7 گول مار کر آخر تک 0.1 پوائنٹس کی قریبی برتری برقرار رکھی۔ اس نے 242.6 کے اسکور کے ساتھ سونے کا تمغہ جیتا۔

دن کے دوسرے ایونٹ میں مردوں کے 25 میٹر ریپڈ فائر پسٹل میں بھاویش شیخاوت 575 پوائنٹس کے ساتھ 22 ویں نمبر پر رہے۔ ان کے ہم وطن پردیپ سنگھ شیخاوت بھی اسی اسکور کے ساتھ 23 ویں نمبر پر رہے جبکہ مندیپ سنگھ 562 پوائنٹس کے ساتھ 39 ویں نمبر پر رہے۔

ایشا کے سونے کے ساتھ، ہندوستان اب تمغوں کی تعداد میں پانچویں مقام پر چلا گیا ہے اور ننگبو میں سونے کا تمغہ جیتنے والے پانچ ممالک میں شامل ہو گیا ہے۔ میزبان چین دو طلائی، چار چاندی اور ایک کانسی کے ساتھ زیان میں سب سے زیادہ اسکورر ہے۔ ہندوستان نے اس ورلڈ کپ میں اپنے چوتھے سے چھٹے نمبر کے نشانے بازوں کو موقع دیا ہے، جو مستقبل کے لیے ٹیم کی گہرائی کو ظاہر کرتا ہے۔

ہندوستھان سماچار

ہندوستان سماچار / عطاءاللہ