سال کی سب سے بڑی ریلیز میں شمار ہونے والی 'جالی ایل ایل بی 3' کا ٹریلر ریلیز ہوتے ہی سوشل میڈیا اور تھیٹرز پر دھوم مچا رہا ہے۔ اکشے کمار اور ارشد وارثی کی اسنیپ بینٹر اور کامک ٹائمنگ نے شائقین کے دل جیت لیے۔ یہ مہاکویہ کورٹ روم ڈرامہ ایک ایسے مقابلے کی جھلک دیتا ہے جہاں سب سے بڑا سوال یہ ہے کہ اصل جالی کون ہے؟

کانپور اور میرٹھ میں جشن

ٹریلر کی شاندار نقاب کشائی کانپور میں ہوئی، جہاں لوگوں کی بڑی تعداد نے تالیوں اور نعروں سے ماحول گونجا۔ اس کے بعد میرٹھ میں بھی جشن کا سماں دیکھا گیا۔ دونوں شہروں میں شائقین نے اسے ایک تہوار کی طرح منایا۔ جیسے ہی ٹریلر لانچ ہوا، #Jolly LLB 3 ٹویٹر پر ٹرینڈ ہونے لگا۔ ایک صارف نے لکھا، فن رائڈ یقینی طور پر، دمدار ڈائلاگ ، ڈرامہ، سماجی پیغام اور مکمل تفریح۔ ایک اور نے خوشی کا اظہار کرتے ہوئے کہا کہ جب اکشے اور ارشد ساتھ ہوتے ہیں تو ہنسی دوبالا ہو جاتی ہے۔ تیسرے نے طنزیہ انداز میں لکھا، اس بار جج صاحب واقعی پھنسنے والے ہیں، کیونکہ دو جالی آچکے ہیں! بلاک بسٹر لوڈنگ۔ بہت سے مداحوں نے گجراج راو¿ کے 'ولن وائبس' کو ٹریلر کی روح قرار دیا، جب کہ اکشے کمار کی مزاحیہ اداکاری اور ارشد وارثی کی حیرت انگیز کامک ٹائمنگ کو سوشل میڈیا پر کافی پذیرائی مل رہی ہے۔

اسٹار اسٹوڈیو 18 کے بینر تلے تیار اور سبھاش کپور کی ہدایت کاری میں بننے والی 'جالی ایل ایل بی 3' میں اکشے کمار، ارشد وارثی، ہما قریشی، امریتا راو¿، سوربھ شکلا اور گجراج راو¿ مضبوط کرداروں میں نظر آئیں گے۔ فلم کا بڑھتا کریز صاف ظاہر کرتا ہے کہ ناظرین اسے بلاک بسٹر بنانے کے لیے پوری طرح تیار ہیں۔ اب صرف ایک ہفتہ رہ گیا ہے کیونکہ یہ فلم 19 ستمبر 2025 کو سینما گھروں کی زینت بنے گی۔

ہندوستھان سماچار

ہندوستان سماچار / عطاءاللہ