فیروز آباد، 8 اگست (ہ س)۔ عدالت نے جمعہ کو ڈکیتی اور قتل کے دو ملزمان کو عمر قید کی سزا سنادی۔ ان پر جرمانہ بھی عائد کیا گیا۔ جرمانہ ادا نہ کرنے کی صورت میں انہیں اضافی سزا بھگتنا ہوگی۔ 28/29 مارچ 2004 کو متسینا تھانہ کے نانپی گاؤں کے رہنے والے دنیش چندر یادو کے گھر پر بدمعاشوں نے حملہ کیا تھا۔ بدمعاشوں نے وہاں روپا دیوی کا قتل کیا اور پھر نقدی اور زیورات لوٹ لئے۔ دنیش نے تھانہ میں مقدمہ درج کرایا۔ تفتیش کے بعد پولس نے ببلو عرف وجے ولد منا لال اور راجیش ولد شری کرشنا یادو ساکن نانپی کے خلاف چارج شیٹ داخل کی۔ کیس کی سماعت ایڈیشنل سیشن جج، سپیشل جج ڈکیتی متاثرہ ایریا کورٹ نمبر 8 رمیش چندر II کی عدالت میں ہوئی۔ اسپیشل پبلک پراسیکیوٹر اجے شرما نے استغاثہ کی جانب سے کیس کی بحث کی۔ انہوں نے بتایا کہ مقدمے کی سماعت کے دوران کئی گواہوں نے گواہی دی۔ عدالت میں کئی شواہد پیش کیے گئے۔ گواہوں کی گواہی اور شواہد کی بنیاد پر عدالت نے وجے اور راجیش کو قتل اور ڈکیتی کا مجرم قرار دیا۔ عدالت نے دونوں کو عمر قید کی سزا سنائی ہے۔ دونوں پر پچاس پچاس ہزار روپے جرمانہ عائد کیا گیا ہے۔ جرمانہ ادا نہ کرنے کی صورت میں انہیں ایک ایک سال کی اضافی سزا بھگتنا ہوگی۔

ہندوستھان سماچار

ہندوستان سماچار / عطاءاللہ