نئی دہلی، 06 اگست (ہ س)۔ دن بھر اتار چڑھاؤ کا سامنا کرنے کے بعد ملکی اسٹاک مارکیٹ گراوٹ کے ساتھ بند ہوئی۔ آج کی تجارت کا آغاز معمولی کمزوری کے ساتھ فلیٹ سطح پر ہوا۔ بازار کھلنے کے بعد اسٹاک مارکیٹ کچھ دیر کے لیے خرید کے سہارے سبز نشان پر پہنچ گئی، لیکن اس کے بعد فروخت کے دباؤ کی وجہ سے سینسیکس اور نفٹی دونوں انڈیکس کی حرکت میں کمی آئی۔ پورے دن کے کاروبار کے بعد سینسیکس 0.21 فیصد اور نفٹی 0.31 فیصد کی کمزوری کے ساتھ بند ہوا۔

آج دن کے کاروبار کے دوران آئی ٹی، فارماسیوٹیکل، ایف ایم سی جی اور رئیلٹی سیکٹرز کے اسٹاکس میں مسلسل فروخت کا دباؤ رہا۔ اسی طرح آٹوموبائل، کیپٹل گڈز، کنزیومر ڈیوربل، میٹل، آئل اینڈ گیس، پبلک سیکٹر انٹرپرائز اور ٹیک انڈیکس بھی گراوٹ کے ساتھ بند ہوئے۔ دوسری جانب بینکنگ سیکٹر کے اسٹاکس میں خرید و فروخت کا رجحان رہا۔ وسیع بازار میں آج مسلسل فروخت کا دباؤ رہا، جس کی وجہ سے بی ایس ای مڈ کیپ انڈیکس 1 فیصد کی کمزوری کے ساتھ بند ہوا۔ اسی طرح، اسمال کیپ انڈیکس نے آج کے کاروبار کا اختتام 1.14 فیصد کی کمی کے ساتھ کیا۔

اسٹاک مارکیٹ میں آج کمزوری کی وجہ سے اسٹاک مارکیٹ کے سرمایہ کاروں کی دولت میں 2.75 لاکھ کروڑ روپے سے زیادہ کی کمی واقع ہوئی ہے۔ آج کی ٹریڈنگ کے بعد بی ایس ای پر درج کمپنیوں کی مارکیٹ کیپٹلائزیشن گھٹ کر 445.08 لاکھ کروڑ (عارضی) ہو گئی۔ جبکہ گزشتہ کاروباری دن یعنی منگل کو ان کا بازار سرمایہ 447.96 لاکھ کروڑ روپے تھا۔ اس طرح سے سرمایہ کاروں کو آج کی ٹریڈنگ سے تقریباً 2.88 لاکھ کروڑ روپے کا نقصان ہوا ہے۔

آج کی ٹریڈنگ کے دوران بی ایس ای پر 4,204 حصص میں فعال تجارت ہوئی۔ جن میں سے 1,352 شیئرز کے بھاؤ اضافہ کے ساتھ بند ہوئے جبکہ 2,697 حصص کے بھاؤ میں کمی اور 155 کے حصص بغیر کسی اتار چڑھاؤ کے بند ہوئے۔ این ایس ای پر آج 2,668 حصص میں فعال تجارت ہوئی۔ ان میں سے 730حصص منافع کمانے کے بعد گرین زون میں بند ہوئے جبکہ 1938حصص نقصان اٹھانے کے بعد ریڈ زون میں بند ہوئے۔ اسی طرح سینسیکس میں شامل 30 حصص میں سے 11 حصص اضافے کے ساتھ بند ہوئے اور 19 حصص گراوٹ کے ساتھ بند ہوئے۔ جبکہ نفٹی میں شامل 50 حصص میں سے 12 حصص گرین زون میں اور 38 حصص ریڈ زون میں بند ہوئے۔

بی ایس ای سینسیکس آج 15.27 پوائنٹس کی معمولی گراوٹ کے ساتھ 80,694.98 پوائنٹس پر کھلا۔

کاروبار کے آغاز کے بعد، خریداری کے باعث، پہلے 10 منٹوں میں ہی یہ انڈیکس 124.18 پوائنٹس کی مضبوطی کے ساتھ چھلانگ لگا کر سبز نشان میں 80,834.43 پوائنٹس تک پہنچ گیا۔ اس کے بعد مارکیٹ میں فروخت شروع ہوئی جس کی وجہ سے یہ انڈیکس دوبارہ سرخ نشان میں ڈوب گیا۔ مسلسل فروخت کی وجہ سے سینسیکس 261.43 پوائنٹس گر کر 80,448.82 پوائنٹس پر آگیا۔ تاہم اس کے بعد خریداری سے تعاون ملنے پر اس انڈیکس کی حالت میں معمولی بہتری دیکھنے میں آئی۔ پورے دن کے کاروبار کے بعد سینسیکس 166.26 پوائنٹس کی کمزوری کے ساتھ 80,543.99 پوائنٹس پر بند ہوا۔

سینسیکس کی طرح، این ایس ای کے نفٹی نے بھی آج کی تجارت 8.20 پوائنٹس پھسل کر 24,641.35 پوائنٹس پر شروع کی۔ بازار کھلنے کے بعد، خرید کی حمایت سے، انڈیکس 21.85 پوائنٹس بڑھ کر 24,671.40 پوائنٹس تک پہنچ گیا، لیکن اس کے بعد فروخت شروع ہوئی اور نفٹی میں پھر کمی ہوئی۔ مسلسل فروخت کے باعث انڈیکس 110.35 پوائنٹس گر کر 24,539.20 پوائنٹس پر آگیا۔ تاہم، ٹریڈنگ کے آخری آدھے گھنٹے میں خرید کی حمایت کے ساتھ، نفٹی نے نچلی سطح سے تقریباً 35 پوائنٹس کی بازیافت کی اور 75.35 پوائنٹس کی کمی کے ساتھ 24,574.20 پوائنٹس پر بند ہوا۔

دن بھر کی خرید و فروخت کے بعد، اسٹاک مارکیٹ کے بڑے اسٹاکس میں سے، ایشین پینٹس 2.23 فیصد، ایچ ڈی ایف سی لائف 1.90 فیصد، بھارت الیکٹرانکس 0.79 فیصد، ٹرینٹ لمیٹڈ 0.73 فیصد اور اڈانی پورٹس 0.66 فیصد آج کے سب سے زیادہ فائدہ اٹھانے والوں کی فہرست میں شامل تھے۔ دوسری طرف، وپرو 2.42 فیصد، سن فارماسیوٹیکلز 2.26 فیصد، انڈسنڈ بینک 1.93 فیصد، جیو فائنانشل 1.89 فیصد اور ٹیک مہندرا 1.78 فیصد آج کے ٹاپ 5 خسارہ کی فہرست میں شامل تھے۔

---------------

ہندوستان سماچار / عبدالسلام صدیقی