پٹنہ، 31 اگست (ہ س)۔مغربی بنگال کی وزیر اعلیٰ اور ترنمول کانگریس کی صدر ممتا بنرجی اور پارٹی کے جنرل سکریٹری ابھیشیک بنرجی کانگریس کے سینئر لیڈر راہل گاندھی کی یکم ستمبر کو پٹنہ میں ہونے والی ووٹر ادھیکار یاترا میں شریک نہیں ہو پائیں گے ترنمول کے ذرائع نے بتایا کہ وزیر اعلیٰ اور پارٹی کے جنرل سکریٹری کی جگہ سابق کرکٹر اور بہرہام پور سے ترنمول کے رکن پارلیمان یوسف پٹھان کو ووٹر ادھیکار یاترا میں شامل ہونے کے لئے کہا گیا ہے۔لوک سبھا میں اپوزیشن کے لیڈر راہل گاندھی کی 16 روزہ ’ووٹر ادھیکار یاترا‘ 17 اگست کو سہسرام سے شروع ہوئی تھی جو 23 اضلاع سے گزرتی ہوئی یکم ستمبر کو پٹنہ میں اختتام پذیر ہوگی۔ قابلِ ذکر ہے کہ تقریباً 1300 کلومیٹر طویل یہ یاترا پہلے گاندھی میدان میں ایک ریلی کے ساتھ ختم ہونے والی تھی لیکن اب یہ پٹنہ پہنچ کر پدیاترا ہی کے ساتھ مکمل کی جائے گی۔ذرائع نے بتایا کہ راہل گاندھی نے ممتا بنرجی اور رکن پارلیمنٹ ابھیشیک بنرجی کو اس ریلی اور اس کے بعد ہونے والے عشائیہ میں شامل ہونے کے لئے دعوت نامہ بھیجا تھا۔ہندوستھان سماچار

ہندوستان سماچار / Mohammad Afzal Hassan