سدھارتھ ملہوترا اور جھانوی کپور کی فلم ’پرم سندری‘ 29 اگست کو سینما گھروں میں ریلیز ہوئی۔ یہ رومانوی کامیڈی فلم سامعین اور ناقدین کی طرف سے ملے جلے ردعمل کا اظہار کر رہی ہے اور باکس آفس پر بھی اوسط درجے کی کارکردگی دکھا رہی ہے۔ اگرچہ پہلے دن فلم کا بزنس توقع سے کم رہا لیکن دوسرے دن اس نے کمائی میں زبردست چھلانگ لگائی۔باکس آفس ٹریکر ساکنلک کے مطابق ’پرم سندری‘ نے ریلیز کے دوسرے دن ہفتہ کو 9 کروڑ روپے کمائے۔ فلم نے باکس آفس پر اپنا کھاتہ 7.25 کروڑ روپے کے ساتھ کھولا۔ اس طرح فلم نے 2 دنوں میں 16.25 کروڑ روپے کما لیے ہیں۔ تشار جلوٹا کی ہدایت کاری میں بننے والی فلم ’پرم سندری‘ کا بجٹ 45 کروڑ روپے بتایا جاتا ہے۔

’پرم سندری‘ میں سدھارتھ دہلی کے ایک امیر بزنس مین کا کردار ادا کر رہے ہیں، جب کہ جانہوی ایک لڑکی کا کردار ادا کر رہی ہیں جو کیرالہ سے تعلق رکھتی ہے اور پیشے کے اعتبار سے آرٹسٹ ہے۔ فلم کی پوری کہانی ان کی محبت کی کہانی کے گرد گھومتی ہے۔ فلم میں دکھایا گیا ہے کہ کس طرح مکمل طور پر مختلف مزاج رکھنے والے دو افراد ایک دوسرے سے پیار کرتے ہیں۔ فلم میں سنجے کپور، ابھیشیک بنرجی اور عنایت ورما بھی ہیں۔

ہندوستھان سماچار

ہندوستان سماچار / Mohammad Khan