حیدرآباد، 31 ۔ اگست (ہ س)۔حیدرآباد کے مدھورا نگر کے مکینوں کو بالآخر بڑی راحت مل گئی۔ حیڈرا نے برسوں سے سڑک کو تنگ کرنے والی ریلنگزکو ہٹا دیا ہے،جو ایک باکس ڈرین پر ڈالی گئی تھیں۔اس اقدام کے بعد نہ صرف سڑک کشادہ ہوگئی ہے بلکہ علاقہ میں دہائیوں سے چلی آرہی ٹریفک جام اور پارکنگ کی مشکلات بھی ختم ہوگئی ہیں۔اب اسکول بسیں اور ایمبولینس بغیر کسی رکاوٹ کے آسانی سے گزر سکیں گی، جس سے آمد و رفت اور شہریوں کی جان و مال کی سلامتی میں نمایاں بہتری آئے گی۔علاقہ مکینوں نے وزیر اعلی ریونت ریڈی اور حیڈرا کے کمشنر اے وی رنگاناتھ کا شکریہ ادا کیا جنہوں نے عوام کے برسوں پرانے مطالبہ پر فوری ایکشن لیا۔لوگوں کا مانناہے کہ یہ فیصلہ مدھرانگر کے لیے ایک نئے دور کی شروعات ہے، جہاں اب راستے ہموار اور سہولتیں بحال ہوگئی ہیں۔

ہندوستھان سماچار

ہندوستان سماچار / محمدعبدالخالق