فلمساز وویک رنجن اگنی ہوتری کی جلد آنے والی فلم 'دی بنگال فائلز' 16 اگست 1946 کو کلکتہ میں ہونے والے ڈائریکٹ ایکشن ڈے کے خوفناک پس منظر پر مبنی ہے۔ یہ فلم 'دی تاشقند فائلز' اور 'دی کشمیر فائلز' کے بعد ان کی سچائی سے پردہ اٹھانے والی ٹریلوجی کا آخری باب ہے۔ پہلے ٹیزر نے ہی پورے ملک میں سنسنی پھیلا دیا تھا اور اب ٹریلر نے اس تاریک سچائی کی ایک جھلک دکھا کر ناظرین کو ہلا کر رکھ دیا ہے۔

اب فلم کا پہلا گانا 'کچھو دن مونے مونے' ریلیز کر دیا گیا ہے۔ یہ گانا اس ہولناک دن کے درد اور جذبات کو گہرے انداز میں سامنے لاتا ہے۔ پاروتی باؤل نے گایا اور کمپوز کیا، یہ گانا روایتی بنگالی موسیقی کی دھنوں پر مبنی ہے، جو براہ راست دل کو چھو لیتا ہے۔ اس کی شائستگی فلم کے دردناک موضوع کو مزید مضبوط کرتی ہے اور ہندو نسل کشی کے المناک واقعات کو زندہ کرتی ہے۔

'دی بنگال فائلز' خود وویک رنجن اگنی ہوتری نے لکھی اور ہدایت کی ہے۔ فلم کو ابھیشیک اگروال، پلوی جوشی اور وویک اگنی ہوتری نے پروڈیوس کیا ہے۔ اس میں متھن چکرورتی، پلوی جوشی، انوپم کھیر اور درشن کمار جیسے تجربہ کار اداکار ہیں۔ اسے تیج نارائن اگروال اور آئی ایم بدھا پروڈکشنز پیش کر رہے ہیں۔ یہ فلم 'فائلز ٹریلوجی' کا اختتام ہے اور 5 ستمبر کو سینما گھروں میں ریلیز کی جائے گی۔

---------------

ہندوستان سماچار / عبدالسلام صدیقی