نئی دہلی، 19 اگست (ہ س)۔ انڈیا اتحاد نے سپریم کورٹ کے سابق جج بی سدرشن ریڈی کو نائب صدر کے عہدے کے لیے اپنا امیدوار نامزد کیا ہے۔ اس کا باضابطہ اعلان منگل کو کانگریس صدر ملکارجن کھڑگے کی رہائش گاہ پر انڈیا اتحاد کی اتحادی جماعتوں کی میٹنگ کے بعد کیا گیا۔

کانگریس صدر کھڑگے نے اس موقع پر کہا کہ بی سدرشن ریڈی ملک کے سب سے ممتاز اور ترقی پسند وکلا میں سے ایک ہیں۔ انہوں نے آندھرا پردیش ہائی کورٹ میں جج، گوہاٹی ہائی کورٹ کے چیف جسٹس اور سپریم کورٹ میں جج کے طور پر ایک طویل اور ممتاز کیریئر کی خدمات انجام دیں۔

کھڑگے نے کہا کہ ریڈی ہمیشہ سماجی، اقتصادی اور سیاسی انصاف کے حق میں رہے ہیں۔ ان کا تعلق ایک سادہ گھرانے سے ہے اور ان کے بہت سے تاریخی عدالتی تبصرے غریبوں اور محروموں کے حق میں رہے ہیں۔ انہوں نے آئین اور بنیادی حقوق کے تحفظ میں اہم کردار ادا کیا ہے۔ کھڑگے نے کہا کہ نائب صدر کے عہدہ کے لیے یہ لڑائی ایک نظریاتی جدوجہد ہے اور اسی لیے انڈیا اتحاد نے متفقہ طور پر ریڈی کو امیدوار بنایا ہے۔ ریڈی 21 اگست کو اپنا پرچہ نامزدگی داخل کریں گے۔

---------------

ہندوستان سماچار / عبدالسلام صدیقی