رام داس اٹھاولے کو لندن میں کوہ نور آف انڈیا ایوارڈ سے نوازا گیا

ممبئی،

19 اگست (ہ

س)۔ مرکزی وزیر مملکت برائے سماجی انصاف اور ریپبلکن پارٹی کے

قومی صدر رام داس اٹھاولے کو لندن میں منعقدہ ایک پروقار تقریب میں ’کوہ نور آف

انڈیا‘ ایوارڈ سے نوازا گیا۔ اس اعزاز کو انہیں صنعت کے معروف چہروں ویدانتا گروپ

کے سربراہ انل اگروال اور ہندوجا گروپ کے صدر سنجے ہندوجا نے پیش کیا۔

اٹھاولے کی جدوجہد ہمیشہ دلت، پسماندہ، غریب اور بہوجن طبقے کے حقوق کے گرد

گھومتی رہی ہے۔ گزشتہ 50 برسوں میں انہوں نے سماجی انصاف اور مساوات کے میدان میں

جو نمایاں کردار ادا کیا ہے، اسی کی بنیاد پر انہیں ایک انقلابی رہنما تسلیم کیا

جاتا ہے۔ ان کی خدمات نے دنیا بھر میں سماجی مساوات کے کارکنان کو نئی راہیں دکھائی

ہیں۔

یہ تقریب لندن کے ساوائی ہوٹل میں منعقد ہوئی، جسے روزنامہ ’لوک مت‘ کے تحت

منعقد کیا گیا تھا۔ ایوارڈ کی اس تقریب میں لوک مت گروپ کے سربراہ وجے دردا اور

راجندر دردا بھی شریک تھے، جبکہ اسی موقع پر لوک مت گلوبل اکنامک کنونشن کا بھی

اہتمام کیا گیا۔

رام داس اٹھاولے نے ایوارڈ وصول کرنے کے بعد اپنے تاثرات کا اظہار کرتے ہوئے

لوک مت گروپ کے وجے دردا اور راجندر دردا کا خصوصی شکریہ ادا کیا۔ انہوں نے کہا کہ

یہ اعزاز ان کی پچاس سالہ جدوجہد کے ساتھ ساتھ ان محروم طبقات کی پہچان اور حوصلہ

افزائی ہے جن کی فلاح کے لیے وہ مسلسل سرگرم ہیں۔

ہندوستھان

سماچار

--------------------

ہندوستان سماچار / جاوید این اے