تاریخ میں 14 اگست کا دن برصغیر کے لیے انتہائی اہم اور جذباتی رہا ہے۔ آج کے دن 1947 میں برصغیر برطانوی راج سے آزادی کی تحریکوں کے دوران تقسیم ہوا اور ہندوستان اور پاکستان کی شکل میں دو الگ الگ ملک وجود میں آئے۔

اس تقسیم نے لاکھوں لوگوں کی زندگیوں میں گہری تبدیلیاں لائی ہیں۔ سرحدی لکیر کھینچنے کے بعد کروڑوں لوگوں کو اپنا گھر بار چھوڑ کر نئی سرحدوں کو عبور کرنا پڑا۔ اس عرصے کے دوران بڑے پیمانے پر تشدد، فسادات اور انسانی المیوں نے دونوں ملکوں کو گہرا زخم دیا۔ مورخین کے مطابق تقسیم کے دوران تقریباً 10 سے 15 ملین لوگ بے گھر ہوئے اور لاکھوں اپنی جانوں سے ہاتھ دھو بیٹھے۔

پاکستان 14 اگست کو اپنا یوم آزادی مناتا ہے، جب کہ ہندوستان میں اس دن کو یوم آزادی سے قبل کی شام کے طور پر منایا جاتا ہے۔

تقسیم کے درد اور المیے کو یاد رکھنے اور آنے والی نسلوں کو اس سے آگاہ کرنے کے لیے، وزیر اعظم نریندر مودی نے سال 2021 میں 14 اگست کو ’تقسیم ہولناکی یادگاری دن‘ کے طور پر منانے کا اعلان کیا۔ اس دن تقسیم کے دوران درپیش مشکلات، قربانیوں اور ہمت کی داستانیں ملک بھر میں شیئر کی جاتی ہیں، تاکہ تاریخ کے اس مشکل دور سے سبق حاصل کیا جا سکے اور اتحاد و یگانگت کے جذبے کو پروان چڑھایا جا سکے۔

اہم واقعات

1862 - بمبئی ہائی کورٹ قائم ہوئی۔

1908 - انگلینڈ میں خوبصورتی کا پہلا مقابلہ ہوا۔

1917 - چین نے جرمنی اور آسٹریا کے خلاف اعلان جنگ کیا۔

1920 - اولمپک گیمز انٹورپ، بیلجیم میں شروع ہوئے۔

1924 - اڑیسہ کیڈر کے انڈین ایڈمنسٹریٹو سروس آفیسر سید مظفر حسین برنی پیدا ہوئے۔

1936 - پہلا اولمپک باسکٹ بال کھیل برلن میں منعقد ہوا۔

1938 - بی بی سی کی پہلی فیچر فلم (اسٹوڈنٹ آف پراگ) ٹیلی ویژن پر نشر ہوئی۔

1941 - ہندوستانی نظریاتی طبیعیات داں ٹی وی رام کرشنن پیدا ہوئے۔

1947 - ہندوستان تقسیم ہوا اور پاکستان ایک الگ ملک بن گیا۔

1957 - ہندی فلموں کے مشہور کامیڈین جانی لیور پیدا ہوئے۔

1968 - مرار جی دیسائی کو پاکستان کے اعلیٰ ترین شہری اعزاز نشان پاکستان سے نوازا گیا۔

1968 – بھارتی کرکٹر پروین امرے پیدا ہوئے۔

1971 - بحرین نے 110 سال بعد برطانوی راج سے آزادی حاصل کی۔

1975 - پاکستانی فوج نے صدر مجیب الرحمان کا تخت الٹ دیا۔

1979 - پڈوچیری ریاست کے پہلے وزیر اعلیٰ ایڈورڈ گابرٹ کا انتقال ہوا۔

1984 - ہیلسنکی اولمپکس میں کانسی کا تمغہ جیتنے والےہندوستانی پہلوان خاشابہ جادھوکا انتقال ہوا۔

2000 - ہندوستانی باکسر ہوا سنگھ کا انتقال ہوا۔

2001 - مقدونیہ کی حکومت اور البانوی باغیوں کے درمیان معاہدہ، آئرش ریپبلکن آرمی نے غیر مسلح کرنے سے انکار کر دیا۔

2002 - پاکستان کے صدر جنرل پرویز مشرف نے کشمیر کے انتخابات کو دھوکہ دہی قرار دیا۔

2006 - اقوام متحدہ کی پہل پر، اسرائیل اور جنوبی لبنان کے درمیان پانچ ہفتوں سے جاری تنازعہ ختم ہوا۔

2006 - عراق کے شہر قحطانیہ میں بم دھماکے میں 400 افراد ہلاک ہوئے۔

2007 - پاکستانی صدر پرویز مشرف اور پاکستان پیپلز پارٹی کی صدر اور سابق وزیر اعظم بے نظیر کے درمیان معاہدہ طے پایا۔

2011- مشہور اداکار شمی کپور کا انتقال ہوا۔

2013 - مصر میں پولیس اور مظاہرین کے درمیان پرتشدد جھڑپوں میں 638 افراد ہلاک ہوئے۔

اہم دن

نوجوانوں کا عالمی دن۔

تقسیم کی ہولناکیوں کی یاد کا دن۔

ہندوستھان سماچار

---------------

ہندوستان سماچار / انظر حسن