سال کے آخری مہینے کا ساتواں دن تاریخ میں تین اہم واقعات کے ساتھ درج ہے۔ ان میں دو دنیا کو ہلا دینے والی جنگ سے جڑے واقعات ہیں، جبکہ تیسرا واقعہ سائنس کی دنیا میں ہندوستان کے عظیم تعاون کو اجاگر کرتا ہے۔

7 دسمبر 1941 کو جاپان نے امریکہ کے ہوائی واقع بحری اڈے پرل ہاربر پر اچانک حملہ کر دیا تھا۔ اس تباہ کن حملے میں امریکی بحریہ کو بھاری نقصان اٹھانا پڑا۔ جاپانی طیاروں نے 6 جنگی جہاز، 112 کشتیاں اور 164 لڑاکا طیارے تباہ کر دیے۔ اس حملے میں 2400 سے زیادہ امریکی فوجیوں کی موت ہوئی۔ پرل ہاربر حملہ اتنا پر اثر تھا کہ اسی کے بعد امریکہ دوسری جنگ عظیم میں براہ راست شامل ہوا۔

7 دسمبر تاریخ میں اس دن کے طور پر بھی درج ہے جب 2001 میں افغانستان میں طالبان کی پکڑ کمزور ہوئی۔ افغانستان کے عبوری انتظامیہ کے سربراہ حامد کرزئی اور طالبان کی قیادت کے درمیان ہوئے سمجھوتے کے بعد طالبان نے قندھار کا اپنا گڑھ چھوڑ دیا۔ یہ قدم 61 دنوں تک چلی لڑائی کے اختتام کی شروعات ثابت ہوا اور افغانستان میں نئے سیاسی عمل کا راستہ ہموار ہوا۔

اس تاریخ کی اہمیت سائنسی دنیا میں بھی خاص ہے۔ 7 نومبر 1888 کو تمل ناڈو کے تروچراپلی میں سر چندر شیکھر وینکٹ رمن (سی وی رمن) کی پیدائش ہوئی تھی۔ رمن دنیا کے پہلے ایشیائی سائنسداں تھے جنہیں سائنس کے شعبے میں نوبل انعام ملا۔ روشنی کے انعکاس پر ان کی اہم تحقیق’رمن ایفیکٹ‘-کے لیے انہیں 1930 میں طبیعات کا نوبل انعام دیا گیا۔

سی وی رمن نے اپنی انوکھی دریافت اس وقت کی، جب سائنسی تجربات کے لیے جدید آلات اور لیبارٹریوں کی شدید کمی تھی۔ مشکل حالات کے باوجود سائنس کے تئیں ان کا جنون انہیں عالمی سطح پر فخر دلانے میں کامیاب ہوا۔

7 دسمبر کے یہ تینوں تاریخی واقعات جنگ، سیاست اور سائنس—تینوں شعبوں پر فیصلہ کن اور دور رس اثرات چھوڑتے ہیں۔

دیگر اہم واقعات:

1782 - اپنی قابلیت اور اہلیت کے بل پر میسور کا حکمران بننے والے18 ویں صدی کے وسط میں ایک بہادر جنگجو حیدر علی کا انتقال ہوا۔

1825 - بھاپ سے چلنے والا پہلا جہاز ’انٹرپرائز‘ کولکاتا پہنچا۔

1856 - ملک میں پہلی بار باضابطہ طور پر ’ہندو بیوہ‘ کی شادی کرائی گئی۔

1862 - آخری مغل بادشاہ بہادر شاہ ظفر کا انتقال ہوا۔ برطانوی حکومت نے انہیں مجاہدین آزادی کا ساتھ دینے پر رنگون (اب میانمار) جلاوطن کر دیا تھا، جہاں برطانوی حکومت کی حراست میں ہی انہوں نے آخری سانس لی۔

1888 - ہندوستان کے عظیم ماہر طبیعات سی وی رمن کی پیدائش۔ انہیں 1930 میں نوبل انعام سے سرفراز کیا گیا۔

1889 - رادھا کمل مکھرجی - جدید ہندوستانی ثقافت اور سماجیات کے نامور اسکالر۔

1944 - جنرل رادیسکو نے رومانیہ میں حکومت تشکیل دی۔

1983 - میڈرڈ ایئرپورٹ پر 2 جیٹ طیاروں کے آپس میں ٹکرانے سے 93 کی موت۔

1988 - آرمینیا میں 6.9 شدت والے زلزلے سے 25 ہزار لوگوں کی موت، لاکھوں بے گھر۔

1970 - مغربی جرمنی اور پولینڈ کے درمیان تعلقات معمول پر آئے۔

1972 - امریکہ نے چاند کے لیے اپنی مہم کے تحت اپولو 17 لانچ کیا۔

1995 - جنوبی ایشیا ترجیحی تجارتی معاہدہ (ساپٹا) نافذ ہوا۔

1995 - ہندوستان نے مواصلاتی سیٹلائٹ انسیٹ-2 سی لانچ کیا۔

1996 - ناسا نے مریخ سیارے کا لمبے وقت تک مطالعہ کرنے کے لیے روبوٹک خلائی جہاز ”مارس گلوبل سرویئر“ کو خلا میں بھیجا۔

1998 - دنیا کے سب سے معمر خلائی مسافر امریکہ کے سینیٹر جان گلین اپنے تاریخی خلائی سفر کو کامیابی سے پورا کر کے زمین پر واپس لوٹے۔ زیادہ عمر میں خلائی سفر کے جسم پر پڑنے والے اثرات کا پتہ لگانے کے لیے انہیں 77 سال کی عمر میں ناسا کے ذریعے خلا میں بھیجا گیا تھا۔

2001 - قندھار میں طالبان نے ہتھیار ڈالے، وکرما سنگھے سری لنکا کے نئے وزیر اعظم مقرر۔

2002 - ترکیہ کی عذرا انین مس ورلڈ 2002 بنیں۔

2002 - کشمیر میں علیحدگی پسند تشدد میں 8 مسلم باغیوں سمیت 14 لوگ مارے گئے۔

2003 - رمن سنگھ چھتیس گڑھ کے وزیر اعلیٰ کے عہدے پر فائز۔

2003 - امریکہ کے اس وقت کے صدر جارج بش نے ملک میں اسقاط حمل پر روک سے متعلق بل پر دستخط کیے۔

2003 - ہندوستان کے پانچویں صدر جمہوریہ فخر الدین علی احمد کی اہلیہ بیگم عابدہ احمد کا انتقال ہوا۔

2004 - حامد کرزئی نے افغانستان کے پہلے منتخب صدر کے طور پر حلف لیا۔

2007 - یورپ کی کولمبس لیبارٹری کو بین الاقوامی خلائی اسٹیشن پر پہنچانے والی اٹلانٹس کی انتہائی متوقع پرواز تکنیکی وجوہات سے ملتوی۔

2008 - ہریانہ کے وزیر اعلیٰ بھوپیندر سنگھ ہڈا نے چندر موہن کو وزیر اعلیٰ کے عہدے سے برطرف کیا۔

2008 - ہندوستانی گولفر جیو ملکھا سنگھ نے جاپان ٹور کا خطاب جیتا۔

2009 - ڈنمارک کے کوپن ہیگن میں ماحولیاتی سربراہی اجلاس شروع۔

2016 - ہندوستانی اداکار، مزاحیہ فنکار، سیاسی طنز نگار، ڈرامہ نگار، فلم ڈائریکٹر اور وکیل چو راما سوامی کا انتقال ہوا۔

2020 - جرمنی میں کورونا وائرس انفیکشن کے ایک ہی دن میں سب سے زیادہ 23,300 نئے کیسز۔

2021 - ڈرون حملے میں بال بال بچے عراق کے وزیر اعظم مصطفیٰ الکاظمی، 7 سیکورٹی اہلکار زخمی۔

2023: برطانیہ کا تخت سنبھالنے کے بعد، بادشاہ چارلس سوم نے ریاست کے سربراہ کی حیثیت سے پارلیمنٹ سے خطاب کیا۔

ہندوستھان سماچار

--------------

ہندوستان سماچار / انظر حسن