نئی دہلی 11 اگست (ہ س)۔ لوک سبھا نے پیر کو ترمیم شدہ انکم ٹیکس بل، 2025 اور ٹیکسیشن قوانین (ترمیمی) بل، 2025 کو منظور کر لیا۔ نئے انکم ٹیکس بل، 2025 کی منظوری کے بعد لوک سبھا کی کارروائی دن بھر کے لیے ملتوی کر دی گئی۔

مرکزی وزیر خزانہ نرملا سیتا رمن نے ترمیم شدہ انکم ٹیکس بل، 2025 اور انکم ٹیکس (نمبر 2) بل، 2025 کو لوک سبھا میں پیش کیا، جسے فوراً ہی منظور کر لیا گیا۔ اس سے پہلے، سیتا رمن نے لوک سبھا میں ترمیم شدہ انکم ٹیکس بل، 2025 پیش کیا تھا جس میں سلیکٹ کمیٹی کی تقریباً تمام سفارشات کو شامل کیا گیا تھا۔ یہ انکم ٹیکس سے متعلق قانون کو مستحکم اور ترمیم کرنے کا بل ہے۔

قبل ازیں جمعہ کو وزیر خزانہ سیتا رمن نے نیا انکم ٹیکس بل، 2025 واپس لے لیا تھا، جسے وزیر خزانہ نے 13 فروری کو لوک سبھا میں موجودہ انکم ٹیکس ایکٹ، 1961 کی جگہ پر پیش کیا تھا۔ ترمیم شدہ انکم ٹیکس بل، 2025 میں بی جے پی کے رکن پارلیمنٹ بیجینت جے پانڈاکی سربراہی والی سلیکٹ کمیٹی کی زیادہ تر سفارشات شامل ہیں۔ یہ بل موجودہ انکم ٹیکس ایکٹ 1961 کی جگہ لے گا۔ پانڈا کی سربراہی میں سلیکٹ کمیٹی نے انکم ٹیکس بل کے لیے 285 تجاویز دی تھیں۔

نئے ترمیم شدہ انکم ٹیکس بل، 2025 کا مقصد انکم ٹیکس سے متعلق قوانین کو مضبوط اور ان میں ترمیم کرنا ہے۔ یہ انکم ٹیکس ایکٹ، 1961 کی جگہ لے گا۔ موجودہ ایکٹ کو تبدیل کرنے کے بل کو راجیہ سبھا سے منظور کرانا ہوگا، جس کے بعد یہ صدر جمہوریہ کی منظوری حاصلکی جائے گی۔

ہندوستھان سماچار

ہندوستان سماچار / محمد شہزاد