نئی دہلی، 11 اگست (ہ س)۔ ٹاٹا کی قیادت والی ایئر انڈیا نے یکم ستمبر سے دہلی سے واشنگٹن کے لیے اپنی خدمات معطل کرنے کا اعلان کیا ہے۔ ایئر لائنز نے کہا کہ وہ کئی آپریشنل عوامل کی وجہ سے نئی دہلی سے واشنگٹن کے لیے اپنی پروازیں معطل کر رہی ہے۔

پیر کو جاری کردہ ایک بیان میں، ایئر لائن نے کہا، ایئر انڈیا نے دارالحکومت نئی دہلی اور واشنگٹن ڈی سی کے درمیان اپنی خدمات یکم ستمبر سے معطل کرنے کا اعلان کیا ہے۔ کمپنی نے یہ فیصلہ مختلف آپریشنل عوامل کی وجہ سے کیا ہے، تاکہ ایئر انڈیا کے مجموعی روٹ نیٹ ورک کی اہمیت اور سالمیت کو یقینی بنایا جا سکے۔

کمپنی نے کہا کہ یہ معطلی بنیادی طور پر ایئر انڈیا کے بیڑے میں منصوبہ بند کمی کی وجہ سے ہے، کیونکہ ایئر لائن نے گزشتہ ماہ اپنے 26 بوئنگ 787-8 طیاروں پر ریٹروفٹنگ کا کام شروع کیا تھا۔ ایئر لائن نے کہا کہ اس وسیع ریٹروفٹ پروگرام کا مقصد صارفین کے تجربے کو نمایاں طور پر بہتر بنانا ہے۔ اس کے لیے کم از کم 2026 کے آخر تک کسی بھی وقت متعدد طیاروں کی عدم دستیابی کی ضرورت ہے۔

---------------

ہندوستان سماچار / عبدالسلام صدیقی