حیدرآباد 31 جولائی (ہ س)۔متحدہ ضلع انچارج ریاستی وزیر پنچایت راج دیہی ترقی،خواتین واطفال بہبود اے سیتا اکا،حکومت کے مشیر برائے یس ٹی ،ایس سی،او بی سی،میناریٹرز محمد علی شبیر نے شہر نظام آباد میں خدمات انجام دینے والے تمام صحافیوں کو امکنہ اراضی فراہم کرنے کی یقین دہانی کی۔انہوں نے کہاکہ شہر نظام آبادکے حدود میں دو مقامات پر واقع سرکاری امکنہ اراضی مختص کرنے کی ضلع کلکٹر ونئے کرشناریڈی کو اس خصوصی میں احکامات جاری کئے ہیں شہر نظام آباد میں واقع گنگا استھان اور رورل حلقہ اسمبلی میں رورل رکن اسمبلی ڈاکٹر بھوپت ریڈی سے بات چیت کرنے کے بعد ضلع انچارج ریاستی وزیر سیتااکا،حکومت کے مشیر محمد علی شبیر نے صحافیوں کو امکنہ اراضی فراہم کرنے کی یقین دہانی کی۔ انہوں نے کہاکہ نظام آباد میں کسی بھی مقام پر سرکاری اراضی دستیاب نہیں ہے اس لیے صحافیوں کو رورل حلقہ میں واقع گنگا استھان سرکاری امکنہ اراضی فراہم کی جائیں گی۔اس موقع پر صحافیوں کے قائدین جمال پور گنیش،پکالا نرسملو،پنچاریڈی سریکانت،واگھمارے سبھاش ، پرومود گوڑ، منڈے موہن بھوپتی، اشفاق احمد خان (پاپا خان)محمد غوث،نعیم قمر، آنند پال ، ایم اے ماجد، سید اسد، محمد افضل خان ، خالد خاں موجود تھے صحافیوں کے قائدین نےریاستی وزیر سیتا اکا اور حکومت کے مشیر محمد علی شبیر سے ملاقات کرتے ہوئے شہر نظام آباد کے صحافیوں کو امکنہ اراضی فراہم کرنے کے لئے یادداشت پیش کی۔

ہندوستھان سماچار

ہندوستان سماچار / محمدعبدالخالق