نئی دہلی، 30 جولائی (ہ س)۔

سپریم کورٹ نے نوئیڈا میں 2006 کے نٹھاری سلسلہ وار قتل کیس میں مجرم سریندر کولی اور منیندر سنگھ پنڈھیر کو بری کرنے کے حکم کو چیلنج کرنے والی سی بی آئی، یوپی حکومت اور متاثرہ خاندانوں کی 14 درخواستوں کو خارج کر دیا ہے۔ چیف جسٹس بی آر گو ئی کی سربراہی میں بنچ نے درخواستوں کو خارج کرنے کا حکم دیا۔ سپریم کورٹ نے پنڈھیر کو تمام مقدمات میں بری کر دیا ہے، جب کہ کولی ایک زیر التوا کیس میں جیل میں ہیں۔ اس معاملے میں متاثرہ کے والد، سی بی آئی اور اتر پردیش حکومت نے الہ آباد ہائی کورٹ کے حکم کو سپریم کورٹ میں چیلنج کیا تھا۔ الہ آباد ہائی کورٹ نے 16 اکتوبر 2023 کو سریندر کولی کو بری کرنے کا حکم دیا تھا۔اس سے قبل ٹرائل کورٹ نے سریندر کولی کو 28 ستمبر 2010 کو موت کی سزا سنائی تھی۔

اس معاملے میں سماعت کے دوران سریندر کولی کے وکیل نے سپریم کورٹ میں دلیل دی تھی کہ ان کے خلاف ثبوت کے نام پر صرف ایک اعترافی بیان ہے، جو ان کی پولیس حراست کے طویل عرصے کے بعد ریکارڈ کیا گیا ہے۔

ہندوستھان سماچار

ہندوستان سماچار / عطاءاللہ