پونے، 30 جولائی (ہ س)۔

پونے کی بھارتی ودیا پیٹھ

پولیس نے ایک خطرناک گینگ کو بے نقاب کیا ہے، جس نے کٹراج کے علاقے سے ایک دو سالہ

معصوم بچی کو اغوا کر کے اسے بھیک منگوانے کے مکروہ کاروبار میں شامل کرنے کی کوشش

کی۔ پولیس نے تیزرفتار کارروائی کرتے ہوئے بچی کو عثمان آباد کے تلجا پور قصبے سے

محفوظ بازیاب کر لیا، جب کہ اس معاملے میں پانچ افراد، جن میں ایک خاتون بھی شامل

ہے، کو گرفتار کیا گیا ہے۔

پولیس

حکام کے مطابق ملزمان کے نام سنیل سیتارام بھوسلے (51)، شنکر اجنیا پوار (50)،

شالو بائی پرکاش کالے (45)، گنیش بابو پوار (35) اور منگل ہرپھول کالے (19) ہیں،

اور یہ سب تلجا پور کے موتیزارہ علاقے کے رہائشی ہیں۔

اغوا کی

شکایت دھن سنگھ ہنومنت کالے (25) نامی شخص نے درج کرائی، جو کٹراج کے ونڈر سٹی

علاقے میں اپنے اہل خانہ کے ساتھ ایک کچی آبادی میں رہتا ہے۔ بچی کو رات کے وقت اس

کے جھولے سے اس وقت اٹھا لیا گیا جب اہل خانہ گہری نیند سو رہے تھے۔

نصف شب

کو جب بچی کے لاپتہ ہونے کا انکشاف ہوا تو فوری طور پر بھارتی ودیا پیٹھ پولیس اسٹیشن

میں شکایت درج کرائی گئی۔ پولیس کمشنر امیتیش کمار نے لاپتہ بچی کی فوری بازیابی کی

ہدایت جاری کی۔

اس کے

بعد سینئر پولیس انسپکٹر راہل کھلارے کی سربراہی میں دو تفتیشی ٹیمیں تشکیل دی گئیں

اور ایک کرائم برانچ کی ٹیم بھی شامل کی گئی۔ تفتیش کے دوران 140 سے زائد مقامات کی

سی سی ٹی وی فوٹیج، بالخصوص ونڈر سٹی کی ویڈیو کا تفصیلی مشاہدہ کیا گیا۔

ان ریکارڈنگز

میں تین افراد کو ایک اسکوٹر پر بچی کے ساتھ جاتے ہوئے دیکھا گیا، جبکہ ریلوے اسٹیشن

کی ایک ویڈیو میں مزید دو مشتبہ افراد کی شناخت ممکن ہوئی۔

حاصل

شدہ شواہد کی روشنی میں پولیس ٹیم نے تلجا پور کا سفر کیا اور مقامی پولیس کی مدد

سے تین افراد کو حراست میں لیا، جن کے قبضے سے بچی کو بحفاظت بازیاب کیا گیا۔ بعد

ازاں مزید تفتیش سے بقیہ دو افراد بھی گرفتار کر لیے گئے۔

گرفتار

شدہ ملزمان نے پولیس کے روبرو اعتراف کیا کہ وہ اس بچی کو بھیک منگوانے کے دھندے میں

شامل کرنے کے لیے لے گئے تھے۔ انہیں پونے منتقل کر کے عدالت میں پیش کیا گیا، جہاں

عدالت نے انہیں 2 اگست تک پولیس کی تحویل میں دے دیا۔

ہندوستھان

سماچار

--------------------

ہندوستان سماچار / خان این اے