امپھال، 3 جولائی (ہ س)۔ منی پور میں سیکورٹی فورسز نے گزشتہ 24 گھنٹوں کے دوران ریاست بھر میں کی گئی مسلسل کارروائیوں کے دوران وادی میں مقیم کالعدم تنظیموں سے تعلق رکھنے والے تین افراد کو گرفتار کیا۔

پولیس کے ایک ترجمان نے جمعرات کو بتایا کہ بشنو پور ضلع میں، نمبول پولس کے ذریعہ چلائے گئے ایک آپریشن کے نتیجے میں 50 سالہ اونم ہیمن جیت سنگھ عرف تائیبانگسمببا کو گرفتار کیا گیا، جو پریپک (پرو) تنظیم سے وابستہ ہے۔ اسے میترم کے علاقے سے گرفتار کیا گیا اور افسران نے اس سے ایک ڈیزل آٹو رکشہ اور دو موبائل فون برآمد کئے۔

ایک اور کارروائی میں، وائیکھونگ پولیس نے لورمبم سریش عرف مائرونگبا عرف ٹوٹو، 47، کو ایلانگ کھنگ پوکپی اوانگ لیکائی، کاکچنگ ضلع کے ماننگ پیٹ سے حراست میں لیا۔ سریش، جو کے سی پی (پی ڈبلیو جی) دھڑے سے تعلق رکھتا ہے، امپھال ویسٹ میں ہیرانگوئتھونگ اوینم لیکائی کا رہنے والا ہے۔ گرفتاری کے دوران ایک موبائل فون ضبط کیا گیا۔

اسی دن، ایک اور کے سی پی کیڈر، ہیروجیت، 57، کو پولیس نے گرفتار کیا۔ امپھال مشرق میں تموکھونگ اوانگ لیکائی کا رہائشی، سنگھ مبینہ طور پر کاکچنگ اور تھوبل دونوں اضلاع میں پیٹرول پمپ کے مالکان سے رقم وصول کر رہا ہے۔ اس کے پاس سے ایک کی پیڈ فون ضبط کیا گیا۔

حکام نے تصدیق کی کہ تینوں افراد عسکریت پسندانہ کارروائیوں اور جبری وصولی سے متعلق سرگرمیوں میں ملوث تھے۔

ہندوستھان سماچار

---------------

ہندوستان سماچار / عبدالواحد