نوادہ، 27 جولائی (ہ س)۔ بہار کے نوادہ میں ساون کے مقدس مہینے میں اتوار کے روز سماج دشمن عناصر نے سماجی ہم آہنگی کو خراب کرنے کی کوشش کی ہے۔بدمعاشوں نے نوادہ میونسپل کونسل علاقہ کے دو مندروں میں نصب بھگوان کی مورتی کو نقصان پہنچایا۔ جس سے گاؤں والوں میں ناراضگی ہے۔مورتی ٹوٹنے کی خبر شہر میں جیسے ہی پھیلی سینکڑوں لوگ کچھ ہی دیر میں مندر کے قریب پہنچ گئے۔واقعہ کی اطلاع ملتے ہی ڈی ایم روی پرکاش، ایس پی ابھینو دھیمان، صدر ایس ڈی او امیت انوراگ، ایس ڈی پی او صدر ہلاس کمار اور ٹاؤن تھانہ انچارج اویناش کمار فورس کے ساتھ موقع پر پہنچے اور معاملے کی جانچ کی اور لوگوں سے امن برقرار رکھنے کی اپیل کی، بڑی تعداد میں پولیس فورس تعینات کی گئی۔بتایا جاتا ہے کہ ضلع کے دو شیو مندروں میں نصب شیو جی، نندنی، بھگوان وشوکرما اور بھگوان کارتیکیہ کی مورتیوں کو سماج دشمن عناصر نے نقصان پہنچایا۔ واقعہ ٹاؤن تھانہ علاقے کے گوناوان گاؤں واقع ایک مندر میں پیش آیا۔ نگر پریشد نوادہ کے گوناوان گاؤں میں دو شیو مندروں میں نصب پتھر کی مورتیوں کو توڑ کر نقصان پہنچایا گیا۔ مقامی لوگوں کی شکایت پر ٹاؤن تھانہ میں نامعلوم افراد کے خلاف مقدمہ درج کر کے کارروائی شروع کر دی گئی ہے۔بدمعاشوں کی نشاندہی اور ان کے خلاف سخت قانونی کارروائی کی یقین دہانی کرائی گئی۔ گوناوان وارڈ نمبر 4 کے وارڈ کونسلر راجیش کمار نے کہا کہ تباہ شدہ مورتی کو وسرجن کرنے کے بعد دوبارہ نئی مورتی کی تنصیب کی پہل کی جائے گی۔ہندوستھان سماچار
ہندوستان سماچار / Mohammad Afzal Hassan
