ہریدوار، 27 جولائی (ہ س)۔

اتراکھنڈ حکومت کے کابینی وزیر گنیش جوشی نے جائے واقعہ منسا دیوی مندر کا جائزہ لیا اور زخمیوں کا حال جاننے کے لیے اسپتال پہنچے۔ وزیر جوشی نے اس حادثہ میں چھ لوگوں کی موت پر دکھ کا اظہار کیا اور سوگوار خاندانوں کے تئیں تعزیت کا اظہار کیا۔

وزیر گنیش جوشی آج سب سے پہلے مندر کی سیڑھیوں پر جائے حادثہ کا جائزہ لینے پہنچے، جہاں بھگدڑ میں چھ لوگوں کی موت ہوگئی۔ بعد میں وزیر جوشی اسپتال پہنچے اور زخمیوں سے بات کی اور ان کی جلد صحت یابی کی دعا کی۔ اس موقع پر وزیر جوشی نے متاثرین کو ہر ممکن مدد کا یقین دلایا۔ انہوں نے عہدیداروں کو ہدایت دی کہ زخمیوں کے مناسب علاج کو یقینی بنایا جائے اور فوری طور پر ہر قسم کی طبی سہولیات فراہم کی جائیں۔

کابینی وزیر نے کہا کہ ریاستی حکومت اس دکھ کی گھڑی میں متاثرہ خاندانوں کے ساتھ کھڑی ہے۔ انہوں نے کہا کہ وہ وزیر اعلیٰ دھامی کی ہدایت کے بعد ہریدوار پہنچے ہیں۔ انہوں نے کہا کہ ریاستی حکومت مہلوکین کے لواحقین کو 2 لاکھ روپے اور زخمیوں کو 50 ہزار روپے کی مالی امداد فراہم کرے گی۔

ہندوستھان سماچار

ہندوستان سماچار / عطاءاللہ