گیا،27جولائی(ہ س)۔ بہار کے گیا میں عصمت دری کا واقعہ سامنے آیا ہے۔ ایک 14 سالہ لڑکے نے 5 سالہ لڑکی کے ساتھ زیادتی کی اور پھر اسے بے دردی سے قتل کر دیا۔ پولیس نے اس معاملے میں ملزم لڑکے کو حراست میں لے لیا ہے اور اس سے پوچھ گچھ کر رہی ہے۔

بتایا جاتا ہے کہ یہ واقعہ ہفتہ کی شام کو پیش آیا۔ ڈوبھی تھانہ علاقہ میں رہنے والے اہل خانہ کے مطابق ملزم لڑکا کافی دنوں سے لڑکی پر بری نظر رکھے ہوئے تھا۔ ہفتہ کے روز جب گھر والے دھان کی روپائی کے لیے گئے ہوئے تھے تو ملزم نے موقع کا فائدہ اٹھاتے ہوئے واردات کو انجام دیا۔

ڈوبھی تھانہ انچارج مکیش کمار نے بتایا کہ اہل خانہ کے بیان پر مقدمہ درج کیا گیا ہے۔ واقعے کے وقت گھر میں کوئی موجود نہیں تھا۔ اس دوران ملزم نے لڑکی کو باہر بلایا اور اسے چاکلیٹ دینے کے بہانے گھر کے قریب باغیچہ میں لے گیا۔

ملزم لڑکی کو باغیچہ لے گیا اور اس کے ساتھ زیادتی کی، پھر تولیہ سے گلا دبا کر قتل کر دیا۔ معلومات کے مطابق یہ واقعہ شام چھ سے سات بجے کے درمیان پیش آیا۔

گھر والے گھر پہنچے تو لڑکی گھر پر نہیں تھی۔ کافی تلاش کے بعد بھی کچھ نہ ملا۔ اس کے بعد پولیس کو لڑکی کے لاپتہ ہونے کی اطلاع دی گئی۔ دو گھنٹے بعد پولیس نے بچی کی لاش قریبی باغیچہ سے برآمد کر لی۔

ہندوستھان سماچار

ہندوستان سماچار / Mohammad Afzal Hassan