جونپور، 23 جولائی (ہ س)۔ تھانہ جلالپور کے تحت شاہ بڑے پور الیکٹرسٹی سب اسٹیشن پر منگل کی رات اس وقت ہنگامہ آرائی ہوئی جب 25 سے زائد افراد نے یہاں ڈیوٹی پر تعینات ایس ایس او عرفان پر اچانک حملہ کر دیا، جس کی وجہ سے وہ شدید زخمی ہو گیے۔
واقعہ قادی پور گاوں کے ٹرانسفارمر کے حوالے سے پیش آیا۔ ایس ایس او عرفان کے مطابق گاوں کا ٹرانسفارمر پہلے بھی جل گیا تھا۔ اسے بدل کر نیا ٹرانسفارمر نصب کیا گیا ، منگل کے روز وہ پھر سے جل گیا۔ اس سے مشتعل ہو کر گاوں والے فیڈر میں گھس گئے اور ایس ایس او پر لاٹھیوں سے حملہ کر دیا۔
حملے میں ایس ایس او کے سر پر چوٹ آئی اور جسم پر کئی دیگر زخم آئے۔ ایک خاتون کے موقع پر آنے سے ان کی جان بچ گئی۔ مقامی لوگ انہیں نہرو نگر ہیلتھ سنٹر لے گئے۔ ابتدائی طبی امداد کے بعد انہیں ضلع اسپتال ریفر کر دیا گیا۔
واقعہ کی اطلاع ملتے ہی کئی لائن مین، جے ای نتن نگم اور ایس ڈی او دھیریندر کمار موقع پر پہنچ گئے۔ حفاظت کے پیش نظر بجلی کی فراہمی منقطع کر دی گئی۔ ایس ڈی او نے واضح کیا کہ ٹرانسفارمر جلنے کے واقعے میں ایس ایس او کا کوئی کردار نہیں ہے۔ اس معاملے کی اطلاع ملتے ہی پولیس موقع پر پہنچی اور معاملے کی جانچ کی۔ بدھ کو اس سلسلے میں اطلاع ملنے پر ایس ایچ او تروینی سنگھ نے بتایا کہ ایف ایس او کی شکایت پر پولیس نے تین نامزد اور 25 نامعلوم افراد کے خلاف مقدمہ درج کیا گیاہے۔ معاملے کی مکمل چھان بین کے بعد ضروری کارروائی کی جائے گی۔
ہندوستھان سماچار
ہندوستان سماچار / محمد شہزاد
